'सरौतो' सिनेमाको एक्सनमय ट्रेलर सार्वजनिक भएको छ।
सिनेम्याटोग्राफरबाट निर्देशनमा डेब्यू गर्न लागेका हरि हुँमागाईं निर्देशित सिनेमामा सुमी मोक्तान प्रमुख भूमिकामा छिन्।
सिनेमा कार्तिक २२ गते रिलिज हुँदैछ। बदलाको कथा रहेको सिनेमामा सुमीका अलावा विजय लामा, युवराज लामा, सन्नी सिंह, आमिर गौतम, लियो ट्यांक, सम्पदा दाहाल, धिरेन शाक्य, अरुणा कार्कीलगायतको अभिनय छ ।
राघव कृष्ण गौतमको कथा, पटकथा, संवादमा तयार सिनेमामा उत्तम हुमागाईंको छायाँकन, निमेष श्रेष्ठको सम्पादन, शंकर महर्जनको एक्सन र राजनराज सिवाकोटी, पुष्पन प्रधान, कमल खत्रीको संगीत छ ।
