अन्तिम समयमा स्वस्तिता खड्का र निश्चल बस्नेत अभिनित 'घामड शेरे' सरेपछि 'पोई पर्यो काले' आज रिलिज हुने एक्लो नेपाली सिनेमा बनेको छ।
नेपाली सिनेमामा एक्लै परेपनि उसले आज रिलिज हुने दुई बलिउड सिनेमा 'हाउसफुल ४' र 'मेड इन चाइना'सँग भिड्नुपर्छ। यी दुई सिनेमाका साथमा यसअघि रिलिज भएका 'छ माया छपक्कै', 'जोकर' तथा 'मालिफिसेन्टः मिस्ट्रेस अफ इभिल'सँग पनि प्रतिष्पर्धा गर्नुपर्नेछ।
मल्टिप्लेक्समा पनि खासै उलेखनिय शो संख्या नपाएकाले सिनेमाले बलिउड 'माउथ अफ वर्ड' पाउनु जरूरी छ।
शिशिर राणा निर्देशित सिनेमामा कमेडी जनरामा निर्माण भएको सिनेमा हो। कमेडीका कारण दर्शक रिझाउन सके, सिनेमाका लागि सुखद हुनेछ।
सिनेमामा सौगात मल्ल, पूजा शर्मा, श्रृष्टी श्रेष्ठ, आकाश श्रेष्ठ तथा सोहित मानन्धरको प्रमुख भुमिका रहेको छ।
