कार्तिक २२ गते रिलिज हुने ‘सरौतो’ले आफ्नो रिलिज मिति एक साता पर सारेको छ।
सिनेमा अब कात्तिक २९ गते रिलिज हुनेछ।
वितरकहरुसँगको सल्लाह अनुसार फिल्मको रिलिज डेटमा हेरफेर गरिएको फिल्मका निर्देशक हरी हुमागाईले बताए।
‘हामीले घोषणा गरेको मितीमा एकसाथ अन्य धेरै फिल्म हुनेभएपछी र पछिल्लो समयको बदलिदो रिलिज डेटको अवस्थाले गर्दा आपसी सल्लाहमै यसको हेरफेर गरिएको हो’ हरीले भने।
हुमागाईंले यस्तो बताएपनि सो मितिमा कार्तिक ८ गते रिलिज हुने भनिएको 'घामड शेरे' आउनेभएपछि सिनेमा साता दिन पर सरेको हो।
फिल्मको ट्रेलर र गीतसंगीत सार्वजनिक भइसकेको छ भने भि-टेनको गीतलाई सार्वजनिक गर्ने तयारीमा टिम छ।
सिनेमामा सुमी मोक्तान, सन्नी सिंह, आमिर गौतम , अरुणा कार्की , सुवाङ्गम शाह, लियो ट्यांक , मनिषा पुन मगर , प्रतिक दुलाल , राजेश रोय , मनोज तामांग लगायतको अभिनय रहेको छ।
