‘सरौतो’ सिनेमाले आफ्नो रिलिज मिति फेरी सारेको छ। यसअघि कात्तिक २२ बाट कात्तिक २९ मा सरेको सिनेमाको रिलिज अब मंसिर १३ मा पुगेको छ।
कात्तिक ८ को ‘घामड शेरे’ मल्टिप्लेक्समा सिनेमाको चापका कारण कात्तिक २२ मा पुगेपछि सरौतोले कात्तिक २९ लाई आफ्नो रिलिज मिति तोकेको थियो।
यही मितिमा ‘माछा माछा’ र ‘मिस्टर नेपाली’ रिलिज हुनेभएपछि हल बाँडफाडको चेपुवाबाट बच्न सिनेमाले आफ्नो रिलिज मितिलाई पुनः सार्दै मंसिर १३ मा पुर्याएको हो।
सिनेम्याटोग्राफर हरि हुमागाईंको निर्देशन डेब्यू रहेको सिनेमामा सुमी मोक्तान शीर्ष भूमिकामा छिन्। सिनेमामा उनलाई एक्सन गर्दै गरेको देख्न सकिन्छ।
सिनेमामा सुमीका अलावा विजय लामा, सन्नी सिंह, लियो ट्यांक, युवराज लामा, धिरेन शाक्य, आमिर गौतमलगायतको पनि अभिनय छ ।
