३ वर्ष अगाडि निर्माण भएपनि रिलिज नभइ थन्किएको 'सुस्केरा'ले अन्ततः आफ्नो रिलिज मिति तोकेको छ।
सिनेमा पुस १८ मा रिलिज हुने भएको छ।
साम्तेन भुटिया निर्देशित सिनेमामा सुरक्षा पन्त तथा स्वरूपपुरूष ढकालको मुख्य अभिनय रहेको छ।
प्राविधिक कारणले रिलिजमा ढिलाई भएतापनि यसले सिनेमाको विषयवस्तुलाई असर नगर्ने निर्माण पक्षले बताएको छ।
सुरक्षालाई नायिकाको रुपमा ब्रेक दिएको फिल्म मात्र होइन , गायक रुपमा चिनिदै गरेका स्वरूपलाई ठुलो पर्दा नायक बनाउने श्रेय पनि यसै सिनेमालाई जान्छ ।
सिनेमामा मिथिला शर्मा, शिशिर बाङ्देल, सिद्धार्थ उपाध्यायको पनि अभिनय रहेकोछ।
‘सुस्केरा’ पूर्णत प्रेमकथामा आधारित फिल्म रहेको निर्देशक भुटियाले बताएका छन् । ‘लभ भन्नेबितिकै जुन सोचाइ हाम्रो छ, त्यसभन्दा केही फरक गर्ने प्रयास फिल्ममा गरिएको छ’ निर्देशक साम्तेनले भने, ‘प्रेम प्राप्तिमा आउने भोगाइ नै फिल्मको कथा हो।’
