शुक्रबार नेपाली वक्सअफिसमा 'घामड शेरे' र 'जीवन काँडा कि फूल' गरी दुई सिनेमा रिलिज भएको छ।
निश्चल बस्नेत तथा स्वस्तिमा खड्काको मूख्य भूमिका रहेको 'घामड शेरे' सोसल ड्रामा जनराको हो भने 'जीवन काँडा कि फूल' साहित्यकार झमक कुमारी घिमिरेको सोही नामको पुस्तकमा आधारित वायोपिक सिनेमा हो।
हेमराज बिसी निर्देशित सिनेमाले विदेशबाट फर्किएपछि ठगिएको एक युवाको संघर्षको कथा पेस गर्छ भने विनोद बिष्ट निर्देशित 'जीवन काँडा कि फूल'ले झमकको अपाङ्गतासँगको जीवन संघर्षको कथा पेस गर्छ।
यी दुई नेपाली सिनेमासँगै नेपाली वकसअफिसमा आयुष्मान खुर्रानाको 'बाला' र 'लास्ट क्रिसमस' नामक हलिउड सिनेमा पनि रिलिज भएको छ।
