‘दि कर्मा’ले पोस्टर र रिलिज डेट सार्वजनिक गरेको छ।
माघ १७ गते रिलिज हुने सिनेमालाई देव कुमार श्रेष्ठ निर्देशिन गरेका हुन्।
सार्वजनिक पोस्टरमा मुख्य कलाकार करण वर्मा, निता ढुंगाना, परमिता राज्यलक्ष्मी राणा र बुद्धि तामाङ प्रस्तुत छन्।
नेपाल र भारतको सिमा क्षेत्रमा हुने घटना समेटेको सिनेमामा देवकुमार श्रेष्ठ, अनुप सक्सेना, संगीता नापितलगायतका कलाकारको अभिनय छ।
जय मिडिया म्यानेजमेन्ट र श्रीत मिडिया एन्ड इन्टरटेन्मेन्टको व्यानरमा निर्मित सिनेमामा जयराज रायको कथा र लगानी छ।
रामेश्वर कार्कीले खिचेको सिनेमामा सुशिल पोखरेलको पटकथा र संवाद छ। सिनेमा नेपालसँगै अन्य मुलुकमा पनि रिलिज गरिने निर्माण पक्षले बताएको छ।
