‘नीरफुल’ले आफ्नो नयाँ रिलिज मिति घोषणा गरेको छ।
दयाहाङ राई स्टारर सिनेमा फागुन ३० मा रिलिज हुनेछ। यस सिनेमाबाट रंग पत्रकार फूलमान वलले निर्देशनमा डेब्यू गर्दैछन्।
सिनेमाले भुकम्पका कारण विछोडिएका एक परिवारको कथा प्रस्तुत गर्ने निर्माणपक्षले जनाएको छ।
सिनेमामा दयाहाङसँगै रेखा थापा, शान्ति वाइबा, बुद्दी तामाङ, पुष्कर गुरुङ, जिम्मे इकी घिसिङ, राजन खतिवडा, सरोज अर्याल, सरिता गिरीलगायतका कलाकारले अभिनय गरेका छन्।
सिनेमामा अभिनेत्री थापाले विशेष भूमिका निर्वाह गरेको संचारकर्मीसमेत रहेका निर्देशक वलको भनाइ छ।
सचिन घिमिरेसँग मिलेर सिनेमाको पटकथासमेत लेखेका निर्देशक वलले धादिङ जिल्लाको रुबी भ्यालीको भूगोल र संस्कृतिलाई पनि सिनेमामा उतारेको बताए ।
प्रमोद कार्कीको छायांकन, अर्जुन पोखरेलको संगीत, निमेष श्रेष्ठको सम्पादन रहेको सिनेमालाई फ्रेण्ड्स अफ नेपाल–म्यान्मार फ्रेन्डसिप काउन्सिलसितको सहकार्यमा सेलो प्रोडक्शनले निर्माण गरेको हो।
_(1).jpg)
