धुर्मुस-सुन्तलीको प्रस्तुति सिनेमा ‘सेन्टी भाइरस’को पहिलो गीत रिलिज भएको छ।
सिनेमाको ‘फनफनी’ बोलको गीत बिहीबार एक कार्यक्रमकाबिच सार्वजनिक गरिएको हो।
शंकर थापा स्माइलको संगीतमा बनेको गीतमा कालीप्रसाद बाँस्कोटा र मेलिना राईको स्वर छ । भने, गीतको शब्द रचना डिपी खनालले गरेका छन् ।
शंकर बिसी गीतका कोरियोग्राफर हुन्।
गीतमा अहिले लोकगीतहरूमा पहिलो रोजाइमा पर्ने गरेकी अञ्जली अधिकारीलाई मुख्यरुपमा फिचर गरिएको छ। गीतमा अञ्जलीसँगै दयाहाङ राई, सिताराम कट्टेल (धुर्मुस), कुञ्जना घिमिरे (सुन्तली), विल्सनविक्रम राई, बुद्दि तामाङलगायतका कलाकार नाचेका छन्।
रामबाबु गुरुङ निर्देशित सिनेमामा दयाहाङ राई, सिताराम कट्टेल, कुञ्जना घिमिरे, विल्सनविक्रम राई, बुद्दि तामाङ, राजाराम पौडेल, बसन्त भट्ट, कमलमणि नेपाल, सन्दीप क्षेत्रीलगायतका कलाकारको अभिनय छ।
सिनेमा फागुन ९ मा रिलिज हुनेछ।
सिनेमाको कथा कुमार कट्टेल र दीपक आचार्यले लेखेका हुन्।
