नेपाली सिनेमामा एक्सन सुपरस्टार हुँदै भोजपुरी सिनेमामा समेत सोही प्रसिद्धि बटुलेका विराज भट्टको डेब्यू निर्देशन 'साङ्लो'को ट्रेलर रिलिज भएको छ।
३ मिनेट लामो ट्रेलरबाट विराजले आफ्नो निर्देशकिय डेब्यू सिनेमा एक्सनले भरिपूर्ण रहेको संकेत गरेका छन्।
सिनेमाका निर्माता तथा मुख्य अभिनेता समेत भट्ट नै हुन्।
माघ २४ गते रिलिज हुने सिनेमामा उनले मिस नेपाल-२०१७ निकिता चण्डकसँग जोडी बाँधेका छन्।
सिनेमामा विराज र निकिताका अलावा जयनन्द लामा, कामेश्वर चौरसिया, प्रकाश शाह, आरपी पन्त, लय संग्रौला, अमित गिरी, शिशिर भण्डारी, रमेश सोडारी, भिष्म जोशी लगायतका कलाकारको अभिनय छ।
शिवम अधिकारीको पटकथा रहेको सिनेमामा सुरेश अधिकारी/राजनराज सिवाकोटीको संगीत, श्री श्रेष्ठको एक्सन, मानकृष्ण महर्जनको छायांकन, अर्जुन जिसीको सम्पादन र कविराज गहतराज/रामजी लामिछानेको कोरियोग्राफी छ ।
