राज बल्लभ, युना उप्रेती तथा निखिल उप्रेती स्टारर ‘पर्खि बसें’को नयाँ सिरिज बन्ने पक्का भएको छ।
गोपीकृष्ण मुभिजले हिमालयन मुभी स्टुडियोसँगको सहकार्यमा ’पर्खि बसें २’ निर्माण गर्न लागेको हो।
गोपीकृष्ण मुभिजको निकिता पौडेल र हिमालयन मुभी स्टुडियोको बिनोद सापकोटाबीच बिहीबार सहमती भएको हो।
विक्रम संवत २०६४ को चैत्र अन्तिममा प्रदर्शनमा आएको फिल्म ’पर्खि बसें’ लाई दीपक श्रेष्ठले निर्देशन गरेका थिए भने यसको दोस्रो सिरिजलाई ‘लभ डायरिज’ निर्देशक सौरभ चौधरीले निर्देशन गर्ने भएका छन्। सिनेमामा कथा चौधरीकै रहनेछ।
निर्देशक चौधरीले दोश्रो सिनेमामा पहिलो श्रृखंलाको लोकप्रियतालाई घटन नदिने बताए।
सिनेमामा रहने कलाकार र प्राविधिक औपचारिक कार्यक्रमको आयोजना गर्दै सार्वजनिक गर्ने तयारीमा टिम रहेको छ।
