‘लप्पन छप्पन २’को टिजर सार्वजनिक भएको छ ।
वैशाख १२ मा रिलिज हुने सिनेमाले १ मिनेट २३ सेकेण्ड लामो टिजर सार्वजनिक गरेको छ।
सार्वजनिक टिजरले सिनेमामा जालझेल र बदलाको कथा हुने देखाएको छ।
टिजरमा कलाकारहरुलाई भिन्न अवतार देख्न सकिन्छ।
एक्सन ड्रामा श्रेणीमा राखिएको सिनेमामा शिव श्रेष्ठ, सौगात मल्ल, अर्पण थापा, अनुपविक्रम शाही, गोविन्द शाही, प्रकाश कुँवर, दीपक क्षेत्री, नविन मानन्धर, विशाल पहारी, किशोर भट्ट, सरिता गिरी, एञ्जल श्रेष्ठ, अनिल खनाल, राजेन्द्र विष्टलगायतको अभिनय छ।
मुकुन्द भट्ट निर्देशित ‘लप्पन छप्पन २’बाट शक्ति श्रेष्ठ, केरोलिन कोलिन्डा, सुपर गुरुङ, आना ढकाल, श्रृजना सिना, रन्जीत ओन्तालगायतले अभिनयमा डेब्यु गर्दैछन् ।
सिनेमाको पटकथा र संवादमा निर्देशक भट्ट र सुनिल नेउरेले काम गरेका छन् भने पटकथामा अमित शर्माले सघाएका छन्।
पुरुषोत्तम प्रधानले खिचेको सिनेमामा शम्भुजित बाँस्कोटा, राजेन्द्र भट्ट(एमआर आरजे), दीपक आरजे र बुलेट फ्लोको संगीत छ।
