‘चपली हाइट ३’ले आफ्नो पहिलो गीत सार्वजनिक गरेको छ।
सिनेमाको ‘चारानाको मसला’ बोलको गीत सार्वजनिक भएको हो।
गीतमा स्वस्तिमा खड्का, सुपुष्पा भट्ट, आमिर गौतम, महेश त्रिपाठी र कोरियोग्राफर प्रदीप लामालाई देख्न सकिन्छ।
सुभाष भुषालको संगीतमा तयार गीतमा राज खम्बु र अश्मिता अधिकारीको आवाज छ।
डिपी खनालले लेखेको गीतमा प्रदीप लामा र द नेक्स्ट टिमले कोरियोग्राफी गरेका छन्।
चैत २८ गते रिलिज हुने सिनेमालाई निकेश खड्काले निर्देशन गरेका हुन्। सिनेमामा स्वस्तिमा, सुपुष्पा, आमिर, महेशका अलावा अर्पण थापा, प्रतिकमान श्रेष्ठ, दीपाश्री निरौला, लक्ष्मी वर्देवा, लोकेन्द्र लेखकलगायातका कलाकारको अभिनय छ।
आकाश बरालको लेखन र संवाद रहेको सिनेमामा सुभाष भुषाल/अर्जुन कुमारको संगीत, अष्ट महर्जनको एक्सन, पुरुषोत्तम प्रधानको छायांकन र दिर्घ खड्काको सम्पादन छ।
