‘प्रेमगीत ३’ले आफ्नो पहिलो गीत सार्वजनिक गरेको छ।
चैत २८ गते रिलिज हुने सिनेमा ‘हात्ती ढुंगामा’ बोलको गीत मंगलबार सार्वजनिक गरिएको हो।
कल्याण सिंहले संगीत दिएको गीतमा मेलिना राई र सागर आलेको स्वर छ। गीत हर्क साउदले लेखेका हुन्।
गीतलाइ कविराज गहतराजले कोरियोग्राफी गरेका हुन्।
गीतमा सिनेमाका मुख्य कलाकार प्रदीप खड्का र क्रिष्टिना गुरुङ फिचर्ड छन्।
छेतेन गुरुङ र सन्तोष सेनले निर्देशन गरेको सिनेमामा प्रदीप र क्रिष्टिनासँगै शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, सम्वृद्धि शाही ठकुरी, क्रिजन गौतम, जीवन बराल, जीवन भट्टराई, सुजल बस्नेतलगायतका कलाकारको पनि अभिनय छ।
