‘नीरफूल’को ट्रेलर सार्वजनिक भएको छ।
दयाहाङ राई तथा शान्ति वाइवा स्टारर सिनेमाले सार्वजनिक गरेको ३ मिनेट १० सेकेण्ड लामो ट्रेलरमा 'निरफूल'ले भुकम्पबाट बिछोडिएको एक परिवारको कथा पेस गर्ने देखाएको छ।
कला पत्रकार फूलमान बलको निर्देशकिय डेब्यू सिनेमाले धादिङ जिल्लाको हिमाली भेगमा अवस्थित रुबी भ्यालीका एक गरिब परिवारको कथा भन्छ।
सिनेमामा दयाहाङ र शान्ति वाइवाका अलावा जिग्मे छ्योकी घिसिङ भूमिका रहेको छ।
उनीहरूका अलावा सिनेमामा रेखा थापा, बुद्दी तामाङ, पुस्कर गुरुङ, राजन खतिवडा, सरोज अर्याल, सरिता गिरी, लक्ष्मी वर्देवा, मानस राज, रोशन फ्युबालगायतका कलाकारको पनि अभिनय छ ।
सिनेमाको पटकथा सचिन घिमिरे र निर्देशक वलले गरेका हुन्।
सिनेमा चैत ७ गते रिलिज हुनेछ।
