कोरोनाभाइरसको सम्भावित प्रभावलाई ध्यानमा दिदैं ‘म यस्तो गीत गाउँछु २’ले आफ्नो पूर्वनिर्धारित प्रदर्शन मिति स्थगित गरेको छ।
सिनेमा आउँदो शुक्रबार रिलिज हुने क्रममा थियो।
कोरोनाभाइरसको उच्च जोखिममा नेपाल पनि रहेका कारण सिनेमाको प्रदर्शन स्थगित गरिएको निर्माणपक्षले जनाएको छ।
सिनेमा निर्माण कम्पनी सुदर्शन थापा प्रोडक्सनले शुक्रबार एक विज्ञप्ती जारी गर्दै सिनेमा फागुन ३० गतेबाट प्रदर्शनमा नआउने जानकारी दिएको छ।
कोरोनाभाइरसको जोखिम न्यूनिकरणका लागि सिनेमाको प्रदर्शन रोकिएको विज्ञप्तीमा उल्लेख छ ।
कोरोनाबाट बच्नका लागि जिल्ला प्रशासनले आवश्यक कामबाहेक बाहिर ननिस्कन, भीड-भाडमा नजान र धेरै मानिस भेला हुने कार्यक्रम नगर्न सूचना जारी गरेको र नेपाल चलचित्र निर्माता संघले समेत सम्भव भएसम्म छायांकन रोक्न सूचना जारी गरेको अवस्थामा कोरोना भाइरसबाट कसैलाई असर नहोस् भन्नका लागि सिनेमाको प्रदर्शन रोकिएको जारी विज्ञप्तीमा उल्लेख छ।
सिनेमाको पखाई लम्बिन गएकोमा निर्माणपक्षले दर्शकसँग क्षमा पनि मागेको छ । नेपाल सरकारको अर्को सूचना नआउँदासम्म सिनेमा प्रदर्शन नहुने जानकारी विज्ञप्तीमा
सुदर्शन थापा र पूजा शर्माले निर्माण गरेको सिनेमामा पल र पूजासँगै हरिहर शर्मा, दिनेश डिसी, राजा राजेन्द्र पोखरेल, गणेश गिरी, सोनीका रोकायलगायतका कलाकारको अभिनय छ।
जन्मजय सपाङ राई सह-निर्माता रहेको सिनेमामा निर्देशक थापाको कथा, शिवम अधिकारी/दिनेश न्यौपानेको पटकथा, सौरभ लामाको छायांकन र बनिश शाह/मिलन श्रेष्ठको सम्पादन छ।
