बलिउड कलाकार सुरेश र विवेक ओवरायले नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटेका छन्।
बिहीबार खुमलटार पुगेर कलाकार सुरेश ओवराय, उनका छोरा विवेक लगायतले प्रचण्डलाई भेटेका हुन्।
उनीहरूबीच भएको भेटको तस्बिर प्रचण्डको सचिवालयले सार्वजनिक गरेको छ। विवेक ओवरायको परिवार बुधबार काठमाडौं आइपुगेका थिए।
उनी आफ्ना परिवारसहित भ्रमण गर्न नेपाल आएका हुन्।
उनले सगरमाथा बेसक्याम्प, पोखरा, लुम्बिनी लगायतका अन्य ठाउँको भ्रमण गर्नेछन्। आज उनीहरूले काठमाडौंको पशुपतिनाथ मन्दिर र चन्द्रागिरि हिल्स पुगेका छन्।
एक हप्ता लामो नेपाल बसाइमा उनी केही कार्यक्रममा सहभागी हुने पनि बताइएको छ। विवेकलाई व्यवसायी पुनम यादवले नेपाल ल्याएकी हुन्।
सन् २००२ मा ‘कम्पनी’ फिल्मबाट डेब्यु गरेका विवेक पछिल्लो समय भारतीय प्रधानमन्त्री नरेन्द्र मोदीको बायोपिक फिल्म ‘पीएम नरेन्द्र मोदी’ मा देखिएका थिए।
