सुटिङको मुखैमा 'इन्शाअल्लाह'बाट बाहिरिएका सलमान खानले नयाँ सिनेमा 'राधे'को सुटिङ सुरू गरेका छन्।
सिनेमामा सलमानले दिशा पटानीसँग जोडी बाँध्ने भएका छन्। सलमान र दिशाका अलावा सिनेमामा रणदिप हुड्डाको प्रमुख अभिनय रहनेछ।
प्रभुदेवाको निर्देशनमा बन्ने सिनेमा आगामी वर्षको ईदमा रिलिज हुनेछ।
ईदको मितिमा 'इन्शाअल्लाह' रिलिज नहुने भएपछि सलमानले आफ्नो प्रिय रिलिज डेटलाई खेर नफाल्न 'राधे' बनाउने घोषणा केही समय अगाडि गरेका थिए।
सलमानको सुपरहिट एक्सन फ्रान्चाईच 'दबंग ३' २० डिसेम्बरमा रिलिज हुँदैछ।
