बलिउड अभिनेता अजय देवगन छिट्टै 'ताहान्जीः द अनसंग वारियर'मा देखिदैछन्।
बलिउडमा अजयको यो १०० औं सिनेमा बन्न गइरहेको छ। यसै अवसरमा उनका साथी कलाकार अक्षय कुमारले अजयको कामको सारहना गरेका छन्। यसक्रममा उनी केही भावुक जस्तो पनि देखिए।
मंगलबार ट्वीट गर्दै अक्षयले यो सिनेमाको नयाँ पोस्टर सार्वजनिक गरे।
'हामीले यो उद्योगमा एकसाथ यात्रा सुरू गरेका थियौं। ३० वर्ष पहिलादेखि आजसम्म मैले तिमीलाई बलियो कदमका साथ अघि बढेको देखेको छु' ट्वीटमा उनले लेखेका छन्।
उनले सिनेमाको सफलताका लागि अजयलाई शुभकामना पनि दिए।
'ताहान्जीः द अनसङ वारियर'बाट तपाई शतक लगाउँदै हुनुहुन्छ। तपाईलाई धेरैधेरै माया र सफलताको कामना। यसैगरी चम्कीराख्नु साथी', ट्वीटमा उनले लेखेका छन्।
सिनेमामा अजय आफ्नी पत्नी काजोलसँग देखिनेछन्। सिनेमामा सैफअली खान, शरद केलकर तथा पंकज त्रिपाठी आदिको अभिनय रहेको छ। सिनेमा १० जनवरीमा रिलिज हुनेछ।
