हलिउड अभिनेता अल पासिनोले विलियम शेक्सपियरको चर्चित कृति 'किङ् लियर'माथि बन्ने फिल्ममा शीर्ष भूमिका निर्वाह गर्ने भएका छन्।
यस वियोगान्त कृतिका लागि पासिनोले निर्देशक माइकल र्याडफोर्डसँग दोश्रोपटक सहकार्य गर्ने भएका छन्। दुबैले सन् २००४ मा शेक्सपियरले नै लेखेको 'द मरचेन्ट अफ भेनिस'मा काम गरेका थिए।
आफ्ना दुई छोरीलाई राज्य बाँडेपछि उनीहरूका कृत्यका कारण 'किङ् लियर'मा शीर्ष पात्रमा क्रमबद्धरूपमा आउने पागलपनको कथा रहेको छ।
'लियर सबैका लागि एउटा लक्ष्य हो। पासिनो यसका लागि लामो समयदेखि प्रयार गरिरहेका थिए', निर्देशक र्याडफोर्डले भने, ' यो भव्य छ। मेरो सोचाइमा पासिनोले यस्तो चुनौती चाहन्छन् किनकी उनी खतरनाक अभिनेता हुन्।'
फिल्मको सुटिङ अगामी वर्ष संयूक्त अधिराज्यमा हुनेछ। पासिनो क्वीट्न टारान्टिनको अगामी फिल्म 'वान्स अपन अ टाइम इन हलिउड'मा ब्राड पिट, लियोनार्दो डि क्याप्रियो तथा मारगट रोबीको फिल्ममा पनि देखिनेछन्।
