बलिउड तथा हलिउड अभिनेत्री प्रियंका चोपडा स्पाइ थ्रिलर वेब सिरिज 'सिटाडेल' मार्फत ओटिटीमा डेब्यू गर्दैछिन्।
‘सिटाडेल’ अमेजन प्राइमबाट छिट्टै प्रदर्शन हुँदैछ। प्रियंका यस वेब सिरिजको प्रमोशन गरिरहेकी छन्। प्रियंका र अमेजन स्टुडिओबीच पुन: सहकार्य हुने भएको छ।
भारतीय सञ्चार माध्यम नवभारत टाइम्सका अनुसार उनी रेसलरबाट अभिनेता बनेका जोन सिना र इड्रिस एल्बासँग फिल्म 'हेड्स अफ स्टेट' मा काम गर्दैछिन्। फिल्मको छायांकन मे महिनादेखि सुरू हुनेछ।
सफारान कम्पनीका पिटर सफ्रान र जोन रिकार्डको लगानी रहने फिल्मलाई ‘नोबडी’ फिल्म निर्माता इल्या नाइशुलरले निर्देशन गर्नेछन्। फिल्मको कथा जोश एपेलबम र एन्ड्रे नेमेकले तयार पारेका हुन्।
प्रियंकाको हलिउड फिल्म ‘लभ अगेन’ प्रदर्शनीको तयारीमा छ। योसँगै उनी बलिउड फिल्म ‘जीले जरा’ मा पनि देखिनेछिन्।
