हलिउड सुपरहिरो सिनेमा 'क्याप्टेन मार्भल'को दोश्रो ट्रेलर रिलिज भएको छ। सार्वजनिक दोस्रो ट्रेलरले दर्शकहरूलाई थप व्यग्र बनाउने अनुमान गरिएको छ।
सार्वजनिक ट्रेलरमा ओस्कार विजेता अभिनेत्री ब्राई लार्सनलाई रोमाञ्चक इकसन अवतारमा पेस गरिएको छ। उनी सिनेमाकी शीर्ष सुपरहिरो हुन्। 'वान्डर उमन'को सफलताका कारण पछिल्लो समय हलिउडले महिला सुपरहिरोमा आधारित सिनेमा बनाउन सुरू गरेका छन्।
सिनेमामा उनीसँगै स्यामुयल एल ज्याक्सन, क्लाक ग्रेग, निक फुरी तथा फिल कउल्सनको अभिनय रहेको छ। सिनेमा एसियामा ८ मार्चमा रिलिज गरिने तय भएको छ।
