अमेरिकन एक्सन फ्रान्चाइज 'जोन'विक'को तेश्रो तथा अन्तिम श्रृंखला 'जोन विक: च्यापटर ३- प्याराबेलम'को पहिलो ट्रेलर रिलिज भएको छ।
सिनेमाको शीर्ष भूमिकामा कियानु रिभ्स रहेका छन्। अघिल्ला दुई श्रृखंलामा जस्तै यसमा पनि जोनको हत्याका लागि अन्तराष्ट्रिय गिरोह लागेको छ।
सिनेमामा उनीसँगे हेली बैरी, लउरेन्स फिसबोर्न, एन्जेलिका हुस्टन, इयान म्याकसेन, मार्क डकास्कोस, एसिया केट डिलोन, लेन्स रेडिक, सेड टागोइ, जेरोमी फ्लाइन, जेसन मानजुकास, टोबिस सेगल तथा बोबन मारानजोभिकको अभिनय रहेको छ।
सिनेमा मे १७ मा रिलिज हुनेछ। यसको पछिल्लो श्रृखंलाले १७१.५ मिलियन अमेरिकी डलर कमाइ गरेको थियो भने पहिलो श्रृखंलाले ८८.७ मिलियन डलर कमाएको थियो।
सिनेमालाई चाड स्थेलेस्कीले निर्देशन गरेका हुन्।
