निर्माण घोषणादेखि नै घरी निर्देशकका कारण त घरि अन्य कारणले विलम्ब हुँदै आएको चर्चित ब्रिटिस जासुसी सिनेमा जेम्स बोन्डको २५ औं श्रृखंला फेरि रोकिएको छ।
सिनेमाका मूख्य अभिनता ड्यानियल क्रेग सुटिङ्का दौरान घाइते भएपछि सिनेमा रोकिएको हो।
बेलायतको चर्चित पत्रिका 'द सन' का अनुसार सुटिङका क्रममा सिनेमाको सेटमा ड्यानियल लडेर घाइते भएका हुन्। उनी घाइते हुँदा सिनेमाको सुटिङ जमाइकामा चलिरहेको थियो। घाइते भएपछि उनलाई एक्स-रेका लागि तत्कालै अमेरिका उडाइएको थियो।
पत्रिकाका अनुसार सटका लागि दौडने क्रममा क्रेग लड्न पुगेका थिए। उनलाई गोलीगाठोंमा चोट लागेको छ।
क्रेग यसअघि पनि बोन्ड सिरिजका सिनेमामाको सुटिङ्का क्रममा घाइते भएका थिए। जेम्स बोन्डका रूपमा डेब्यू गरेको 'क्यासिनो रोयल'मा उनी थुप्रैपटक घाइते हुनपुगेका थिए भने त्यसपछिको सिक्वल 'क्वान्टम सोलेस'का बेलामा उनको पाखुराको माशंपेशी च्यातिएको थियो।
यस्तै पछिल्लो सिरिज 'स्पेक्ट्र'का बेलामा उनलाई घुँडामा चोट लागेको थियो। चोटका कारण सिनेमाको सुटिङ कति समयलाई स्थगित हुनेभयो भन्ने बारेमा कुनै जानकारी सार्वजनिक भएको छैन।
सिनेमा ८ अप्रिल २०२० मा रिलिज हुनेछ।
