'स्पाइडरम्यानः फार फ्रम होम' अनलाइनमा लिक भएको छ।
सिनेमा अमेरिका तथा भारतमा रिलिज हुनु अगावै अनलाइन फाइल सेयरिङ साइटमा लिक भएको हो।
सिनेमा गत साता चीनसहितका केहि एसियाली राष्ट्रमा रिलिज भएको थियो।
प्रारम्भिक रूपमा सिनेमा चीनबाट लिक भएको अनुमान गरिएको छ। सिनेमाका १ देखी २ जिबी फाइलसाइजका सिनेमा उपलब्ध छ। रिलिज भएको सिनेमालाई कुनै क्यामराबाट खिचिएको अनुमान गरिएको छ।
सिनेमाले चीनमा १०० मिलियन अमेरिकी डलरको सुरूवाती कारोबार गरेको छ। सिनेमा अमेरिका जुलाई २ मा रिलिज हुनेछ भने भारत लगायतका बजारमा जुलाई चार शुक्रबार रिलिज हुनेछ।
यसरी लिक भएको सिनेमामा भने पूरा अवधिको नभएको बताइएको छ। सिनेमाको कुल लम्बाइ २ घण्टा ९ मिनेट रहेकोमा लिक भएको सिनेमाको लम्बाइ दुई घण्टा भन्दा कम अवधि भएको बताइन्छ।
