चर्चित हलिउड निर्माता निर्देशक स्टीवन स्पीलवर्गकी छोरीले वयस्क मनोरञ्जन उद्योगमा लाग्ने घोषणा गरेकी छन्।
स्टीवनकी २३ वर्षिया छोरी मिकेलाले यस्तो फैसला लिएकी हुन्।
उनले आर्थिकरुपमा आत्मनिर्भर हुनलाई यो बाटो रोजेको बताएकी छन्।
उनले आफ्नो यस निर्णयबाट आफ्ना अभिभावक हैरान भएपनि आफ्नो निर्णयलाई उनीहरू समर्थन गरेको बताएकी छन्।
उनले व्यस्क सिनेमामा आउने घोषणा गरेपनि त्यो पूर्णतया एकल किसिमको हुने स्पष्ट पारेकी छन्। योसँगै उनले स्ट्रिपर बन्ने पनि बताएकी छन्।
यसका लागि सुरूमा स्ट्रिप लाइसेन्स लिने र कुनै क्लबमा काम गर्ने बताएकी छन्।
उनले आफू दिनदिनैको कामबाट थकित भएको र आत्मसन्तुष्टी पनि नमिलेकोले यो निर्णय गरेको चर्चित पत्रिका 'द सन'लाई दिएको अन्तरवार्तामा उनले खुलासा गरेकी छन्।
उनले आफ्नो यस निर्णयमा आफ्ना ४७ वर्षे हुनेवाला पतिको पनि समर्थन रहेको बताएकी छिन्।
मिकेला स्टीवनको आफ्नै छोरी भने होइनन्, उनीहरूले उनलाई सानेमा धर्मपुत्रीका रुपमा ग्रहण गरेका हुन्।
स्पिलवर्ग 'जुरासिक पार्क', 'डिन्डियाना जोन्स', 'लिङ्कन', 'सेभिङ प्राइभेट राय' जस्ता चर्चित सिनेमाका निर्माता हुन्। उनीसँग करिब २.१ बिलियन अमेरिकी डलर सम्पती रहेको छ।
