अमेरिकी रक ब्यान्ड रेड हट चिल्ली पेप्पर्सका गिटारिस्ट ज्याक सेर्मनको ६४ वर्षको उमेरमा निधन भएको छ।
ब्यान्डले ज्याकको निधन भएको जानकारी गराउँदै ट्विट गरेको थियो। ब्यान्डले ट्विटरमा उनी एक अद्धितीय साथी भएको र राम्रो नराम्रो दुवै समयमा साथ दिएकोमा धन्यवादसमेत लेखेको छ।
ज्याकको निधन के कारणले भयो भनेर सार्वजनिक गरिएको छैन।
सर्मन सन् १९८४ मा अमेरिका भ्रमणको क्रममा ब्यान्डमा प्रवेश गरेका थिए। उनले ब्यान्डको दोस्रो एल्बमका लागि गीत पनि लेखेका थिए।
सन् २०१२ मा रेड हट चिली पेप्पर्स ब्यान्डका अन्य सदस्यलाई रक एन्ड रोल हल अफ फेममा सम्मिलत गर्दा सेर्मनलाई सामेल गरिएको थिएन।
बिलबोर्ड म्यागजिनका अनुसार पछि उनले यस निर्णयको आलोचना गरेका थिए।
