चर्चित अमेरिकी र्यापर ड्रेकले आफूजस्तै बासना आउने मैनबत्ती बेच्न थालेका छन्।
सिएनएनका अनुसार ‘रिभल्भ’ नामक कम्पनीसँगको साझेदारीमा ड्रेकले हालै पाँच प्रकारका बासनादार मैनबत्तीहरू सार्वजनिक गरेका थिए, जसमध्ये एउटा मैनबत्तीमा उनकै शरीरको जस्तो बासना राखिएको छ।
उक्त मैनबत्तीको बासनालाई ‘कार्बी मस्क’ नाम दिइएको छ। यसको मूल्य ८० अमेरिकी डलर रहेको रिभल्भले बताएको छ।
चार वटा ग्र्यामी अवार्ड जितिसकेका र्यापर ड्रेकले दैनिक यही बासना भएको पर्फ्युम लगाउने सिएनएनले उल्लेख गरेको छ।
ड्रेकले उपभोक्तालाई यो मैनबत्ती बाल्दा उनको आफ्नै ‘मिडनाइट– लाइभ इन यूजीन’ गीत बजाउन पनि सुझाएका छन्।
किनकी, आफ्नो जस्तै बासनाको मैनबत्ती बनाउने आइडिया यही गीतबाट प्रेरित भएको उनको भनाइ छ।
रिभल्भका अनुसार यो मैनबत्ती सार्वजनिक भएको छोटो समयमै बिक्री भइसकेको छ।
