चर्चित बेलायती गायक ह्यारी स्टाइल केही समययता आफ्नो प्रेम सम्बन्धका कारण चर्चामा छन्। 'वान डिरेक्सन ब्वाय ब्यान्ड'का पूर्वसदस्य रहेका ह्यारी स्टाइल अमेरिकी फिल्म निर्देशक ओलिभिया वाइल्डसँग डेट गरिरहेको हल्ला छ।
फिल्म निर्देशक ओलिभिया वाइल्डसँग बढ्दै गएको निकटता देखेर ह्यारी स्टाइल प्रेममा परेको हुन सक्ने पिंकभिल्लाले लेखेको छ।
'डन्ट वरी डार्लिङ' फिल्मकी निर्देशक तथा अभिनेत्री ओलिभिया वाइल्ड सोही फिल्मको सुटिङका क्रममा ह्यारीसँग नजिक भएको बताइएको छ। फिल्ममा ह्यारी स्टाइलले अभिनेताको रुपमा काम गरेका थिए। फिल्म छायांकनका बेला ह्यारी र ओलिभिया एक अर्काको सामीप्यमा निकै रमाएका थिए।
यी दुईले आफ्नो सम्बन्धबारे कुनै खुलासा नगरे पनि नजिकका साथीभाइ र प्रशंसकबीच उनीहरुले डेट गरिरहेको अनुमान लगाइएको थियो।
हालै आफ्नो म्यानेजरको विवाह पार्टीमा ह्यारी स्टाइल र ओलिभिया वाइल्ड एकअर्काको हात समातेर हिँडेको फोटो सार्वजनिक भएको छ। यसपछि उनीहरुबीच प्रेम सम्बन्ध भएको र डेट गरिररहेकाे हल्ला झनै बढेको छ।
पछिल्लो समय भग म्यागजिनको कभरमा महिलाको लुगा लगाएर फोटो खिचेको कारण ह्यारी स्टाइल विवादमा आएका थिए। त्यसबेला ओलिभियाले ह्यारीको पक्ष लिएर उनको लुगामा प्रश्न उठाउनेलाई गाली गरेकी थिइन्।
