अमेरिकी गायिका तथा ग्रामी अवार्ड विजेता कार्डी बीले भारतीय फिल्म ‘द ह्वाइट टाइगर’ हेरेको र आफूलाई यो फिल्म धेरै मन परेको बताएकी छिन्।
बिहिबार आफ्नो आधिकारिक ट्विटरमार्फत् उनले फिल्मको कथा र कार्यकारी निर्माता प्रियंका चोपडाको अभिनयको तारिफ गरेको हिन्दुस्तान टाइम्सले उल्लेख गरेको छ।
कार्डी बीले ट्विटरमा लेखेकी छिन्, 'द ह्वाइट टाइगर उत्कृष्ट फिल्म हो। यो फिल्म हेर्दा मेरो आँखाबाट आँसु आएको थियो र मलाई रिस पनि उठेको थियो।'
उनको प्रशंसा सुनेपछि बलिउड अभिनेत्री प्रियंका चोपडाले धन्यवाद व्यक्त गरेकी छिन्।
कार्डी बी मात्र नभई हलिउड अभिनेत्री केरी वासिंगटन पनि ‘द ह्वाइट टाइगर’ फिल्मको फ्यान भएकी छिन्।
अभिनेत्री केरीले आफ्नो ट्विटरमा यस फिल्म र सबै कलाकारलाई बधाइ दिएको हिन्दुस्तान टाइम्सले बताएको छ।
भारतीय लेखक अरविन्द अडिगाको बुकर पुरस्कार विजेता उपन्यासमा आधारित फिल्म ‘द ह्वाइट टाइगर’ रामीन बहरानीले निर्माता गरेका हुन्।
‘द ह्वाइट टाइगर’ले भारतको एक गरिब परिवारमा हुर्केका बलराम पात्र सफल उद्यमी भएको कथा देखाएको छ। यसले भोक र अवसरको अभावले कसरी मानव जीवनको वृद्धि सिर्जना गर्न र चलाउन सकिन्छ भनेर चित्रण गरेको छ।
फिल्ममा आदर्श गौरवले मुख्य भूमिकाको रुपमा अभिनय गरेका छन् भने प्रियंका चोपडा र राजकुमार राव सहायक भूमिकामा छन्।
यो फिल्म जनवरी २२ मा नेटफिल्क्समा रिलिज भएको थियो।
