हलिउड अभिनेता जोनी डेपकी पूर्व पत्नी एम्बर हर्डले सन् २०१९ मा अखबारमा एक लेख लेख्दै डेपले आफूमाथि हिंसा गरेको आरोप लगाएकी थिइन्। डेपले बारम्बार आफूमाथि दुर्व्यवहार गरेको आरोप पनि उनले लगाएकी थिइन्।
उनको आरोपले आफ्नो मानहानी भएको भन्दै डेपले अदालतमा मानहानी मुद्दा हालेका थिए। उनले हर्डको आरोपका आधारमा तीन खाले मुद्दा हालेका थिए।
६ सातासम्म चलेको सुनुवाइका क्रममा डेप र हर्ड दुवैले एकअर्कामाथि शारीरिक तथा भावनात्मक दुर्व्यवहार गरेको आरोप लगाएका थिए।
भर्जिनिया सिभिलले बुधबार यो मुद्दामा फैसला सुनाएको छ। हर्डले झुटा र अपमानजनक व्यवहार गरेको देखिएपछि दुई वटा अदालतले डेपलाई सफाइ दिएको हाे।
अदालतले जोनी डेपलाई मानहानीका लागि १ करोड ५० लाख अमरिकी डलर क्षतिपूर्ति तिर्न आदेश दिएको छ। यसमा १ करोड डलर क्षतिपूर्तिका रूपमा दिइनेछ भने ५० लाख डलर जरिवाना तिर्नुपर्नेछ।
तेस्रो मुद्दामा भने उनले आफ्ना वकिलका माध्यमबाट पूर्वपत्नीको मानहानी गरेको ठहर गर्दै हर्डलाई २० लाख डलर क्षतिपूर्ति दिनुपर्ने आदेश दिएको छ।
डेपविरुद्ध पहिलो मुद्दा
डेपविरूद्ध उनकी पत्नी एम्बर हर्ड र उनका साथीहरूले नक्कली यौन हिंसाको आरोप लगाएको ठहरिएको छ।
डेपविरुद्ध दोस्रो मुद्दा
सन् २०१६ मा डेप र हर्डबीच पेन्टहाउसमा झगडा भएको थियो। उक्त झगडामा पुलिस समेत सामेल भएका थिए। यस मुद्दामा पनि हर्डलाई दोषी ठहराइएको छ।
डेपविरुद्ध तेस्रो मुद्दा
डेपले पनि हर्डलाई दुर्व्यवहार र मानहानी गरेको देखिएको छ।
