हलिउड फिल्म 'जोकर'को सिक्वेल बन्ने भएको छ।
निर्देशक टड फिलिप्सले इन्स्टाग्राममार्फत 'जोकर २' बन्ने जानकारी दिएका हुन्। उनले फिल्मको नामसमेत सार्वजनिक गरेका छन्।
यस सिक्वेलको नाम ‘जोकर : फोली अ डू’ राखिएको छ। फिल्मको कथा स्कट सिल्भर र फिलिप्सले तयार पारेका छन्।
‘जोकर’को सिक्वेलमा अभिनेता जोकिन फिनिक्स नै मुख्य भूमिकामा देखिने निर्देशक फिलिप्सले बताएका छन्।
यो फिल्म आगामी वर्ष प्रदर्शन हुने सञ्चार माध्यम नेशनलमा उल्लेख छ। तर निर्माण टिमले प्रदर्शन मिति घोषणा गरेका छैनन्।
सन् २०१९ मा प्रदर्शन भएको फिल्म ‘जोकर’ले विश्वभरिबाट एक बिलियन डलर कलेक्सन गरेको थियो। यसै फिल्मबाट २०२० मा फिनिक्सले उत्कृष्ट अभिनेताका ओस्कर अवार्ड समेत हात पारेका थिए।
