हलिउड अभिनेता जेरेमी रेनरको दुर्घटना भएको छ।
आइतबार लेक तेहोमा हिउँ सफा गरिरहेका बेला उनलाई चोट लागेको हो। उनलाई चाेट लागेपछि नजिकैकाे अस्पतालमा भर्ना गरिएकाे थियाे।
अमेरिकी संचार माध्यम 'द हलिउड रिपोर्टर' का अनुसार अहिले उनको अवस्था गम्भीर तर स्थिर छ।
‘हामी यो भन्न सक्छौं कि जेरेमीका अवस्था स्थिर छ। आइबार राति हिउँ सफा गर्दा मौसममा समस्या आएको थियो। यसै क्रममा उनलाई चोट लाग्यो। उनको परिवार उनको राम्रोसँग ख्याल राखिरेका छन्,’ उनका सूचना अधिकारीले भने।
उनले ट्वीटरमा एक तस्बिर सार्वजनिक गर्दै हिमपालाई सामान्य नलिनको लागि अनुरोध गरेका छन्।
जेरेमी हलिउडका चर्चित अभिनेता हुन्। उनी दुई पटक अस्करको लागि मनोनित समेत भएका थिए। उनी फिल्म ‘द हर्ट लकर’ र ‘द टाउन’ का लागि अस्करमा मनोनित भएका हुन्।
‘मिसन इम्पोसिबल’ र मार्भल्स फिल्म सिरिजमा उनले अभिनय गरेका छन्। जसमा उनी हक–आइको नामले चर्चित भएका थिए।
पछिल्लो समय उनी २०२१ सालमा ‘ब्ल्याक विडो’ मा देखिएका थिए।
