स्थानीय निर्वाचनका लागि नेपाली कांग्रेसले सात उपसमिति बनाएको छ। बिहीबार प्रेस विज्ञप्ति जारी गर्दै कांग्रेसले उपसभापति एवं स्थानीय तह निर्वाचन केन्द्रीय परिचालन समितिका संयोजक पूर्णबहादुर खड्काले समितिको बैठकमार्फत सात उपसमिति बनाएको जनाएको हो।
केन्द्रीय परिचालन समिति अन्तर्गत गठन गरिएका सात उपसमितिहरूमा सात जना संयोजकहरू बनाइएका छन्।
१. केन्द्रीय सदस्य सुरेन्द्रराज पाण्डे- संयोजक- भ्रातृ संघ समन्वय एवं परिचालन उपसमिति
२ केन्द्रीय सदस्य मीनबहादुर विश्वकर्मा- संयोजक- आचारसंहिता अनुगमन तथा निर्वाचन आयोग समन्वय उपसमिति
३. केन्द्रीय सदस्य प्रदीप पौडेल- संयोजक- अनुगमन, मूल्यांकन तथा सुपरीवेक्षण उपसमिति
४. केन्द्रीय सदस्य मदनबहादुर अमात्य- संयोजक- शुभेच्छुक संस्था समन्वय एवं परिचालन उपसमिति
५. केन्द्रीय सदस्य उदय शमसेर राणा- संयोजक- विदेशस्थित नेपाली जनसम्पर्क समिति समन्वय एवं परिचालन उपसमिति
६. केन्द्रीय सदस्य जीतजंग बस्नेत- संयोजक- जिल्ला सम्पर्क समिति समन्वय एवं परिचालन उपसमिति
७. केन्द्रीय सदस्य रामहरि खतिवडा- संयोजक- निर्वाचन सुरक्षा निकाय समन्वय उपसमिति
