कैलालीको घोडाघोडी नगरपालिकाका मेयर ममताप्रसाद चौधरी र चार जना वडा अध्यक्षले पदबाट राजीनामा दिएका छन्।
आसन्न स्थानीय तहको निर्वाचनमा पुनः मेयरमा उम्मेदवारी दिन मेयर चाैधरीले शुक्रबार उपप्रमुख प्रेमकुमारी थापालाई राजीनामा बुझाएका हुन्।
मेयर चाैधरीले निर्वाचित भएपछि प्राप्त कार्यकाल सकिएकाे, आचारसंहिता लागू भएर काम गर्ने वातावरण पनि नरहेकाले राजीनामा गरेकाे बताए।
उनी एमाले कैलाली जिल्ला उपसचिवसमेत रहेका छन्। २०७४ सालमा भएको निर्वाचनमा घोडाघोडी नगरपालिकाको मेयरमा उनले जितेका थिए।
उनीसँगै घोडाघोडी नगरपालिका १ का वडाध्यक्ष मनराज शाही, वडा नम्बर ५ का अध्यक्ष प्रेम रोकाया र वडा नम्बर ९ का अध्यक्ष कृष्ण शाहले पनि पदबाट राजीनामा दिएका छन्।
यस्तै, नेपाली कांग्रेसबाट विजयी वडा नम्बर ८ का अध्यक्ष भीम बोगटीले पनि पदबाट राजीनामा दिएका छन्।
