वैशाख ३० गते हुने स्थानीय चुनावका लागि अहिले दलहरू गाउँगाउँमा पुगेका छन्। शुक्रबार साँझ निर्वाचन आयोगले उम्मेदवारहरूको अन्तिम नामावली प्रकाशन गर्दैछ। नामावली प्रकाशन भएपछि उम्मेदवारहरूले चुनावी प्रचारलाई तीव्र पार्नेछन्।
आयोगले वैशाख १२ गते नै उम्मेदवारी दर्ता गर्ने अन्तिम दिन तोकेको थियो। तर पाँच दलीय सत्तारूढ गठबन्धनबीच साझा उम्मेदवार बनाउने प्रयास जारी रहेकाले उनीहरू प्रचारमा जान सकेका छैनन्। नेकपा एमालेका उम्मेदवारहरूले भने चुनावी प्रचार थालिसकेका छन्।
यसपालिको चुनावमा यसअघिभन्दा एउटा फरक दृश्य छ। दलहरू गठबन्धन बनाएर चुनावमा होमिएका छन्। सत्तारूढ दलको पाँच दलीय गठबन्धन छ लगभग देशभरि छ भने एमालेले पनि विभिन्न पालिकामा साना पार्टी र समूहसँग गठबन्धन गरेको छ।
गठबन्धनका कारण चुनावी परिणाम कस्तो आउला भन्ने चासो बढेको छ। भागबन्डा मिलेका ठाउँमा गठबन्धन कति कसिलो हुन्छ भन्ने कुराले चुनावी परिणाममा ठूलो प्रभाव पार्ने देखिन्छ। गठबन्धन कसिलो हुँदा एमालेलाई चुनौती थपिन्छ भने गठबन्धन नहुँदा राहत हुने देखिन्छ।
पाँच वर्षअघि भएको स्थानीय चुनावमा एमाले पहिलो पार्टी बनेको थियो। ७५३ स्थानीय तहमध्ये एमालेले २९४ पालिकामा मेयर/अध्यक्ष जितेको थियो। तीमध्ये १८५ पालिकामा एमाले उम्मेदवार एक हजारभन्दा कम मतान्तर विजयी भएका थिए। २५ पालिकमा त जित्ने र हार्नेको मतान्तर १ सयभन्दा कम थियो।
२०७४ को स्थानीय निर्वाचनमा झापाको कमल गाउँपालिकामा कांग्रेस र एमाले उम्मेदवारले बराबर मत पाए। दुबै उम्मेदवारले ८ हजार २ सय ७५ मत ल्याएपछि गोलाप्रथा भयो। गोलाप्रथाबाट एमाले उम्मेदवार विजयी भए।
अछामको चौरपाटी गाँउपालिकामा कांग्रेस उम्मेदवार एक मतले पराजित भए। एमाले उम्मेदवारले ३ हजार १ सय ३८ मत ल्याएका थिए भने कांग्रेस उम्मेदवारले ३ हजार १ सय ३७ मत पाए। भोजपुरको रामप्रसाद राई गाँउपालिकामा माओवादी उम्मेदवारलाई एमाले उम्मेदवारले ८ मतले हराएका थिए।
कतिपय पालिकामा १ हजार मतको अन्तर हुनु धेरै ठूलो अन्तर हो। तर धेरै मतदाता भएको पालिकामा भने त्यो ठूलो अन्तर होइन।
जस्तो, चितवनको खैरहनी नगरपालिकामा एमाले उम्मेदवार १० हजार ७ सय १७ मत ल्याएर विजयी हुँदा कांग्रेस उम्मेदवारले ९ हजार ७ सय ३३ मत ल्याएका थिए। ९ सय ८४ मतले कांग्रेस पछाडि थियो। माओवादी केन्द्रले ३ हजार १ सय ४७ मत ल्याएको थियो। अहिले गठबन्धन गर्दा यो नगरपालिका कांग्रेसको भागमा परेको छ। माओवादी केन्द्रले उपमेयर पाएको छ। त्यसमाथि एमाले विभाजनको असर पनि धेरै थोरै पर्न सक्छ।
कास्कीको मादी गाँउपालिकामा भने एमालेले ४ हजार ६ सय ३७ मत ल्याउँदा कांग्रेसले ३ हजार ६ सय ५३ मत ल्याएको थियो। यो पालिकामा माओवादी केन्द्रको मत पनि कमजोर छ। उसले ६ सय ७६ मत मात्रै ल्याएको थियो। त्यसैले सबै नतिजालाई एउटै तरिकाले मूल्यांकन गर्न भने सकिँदैन।
अर्घखाचीको मालारानी गाँउपालिकामा एमालेले ६ हजार ५ सय ३ मत ल्याउँदा माओवादी केन्द्रले ५ हजार ५ सय ४ मत पाएको थियो। यो गाँउपालिकामा कांग्रेस र माओवादी केन्द्रको गठबन्धन थियो। गठबन्धन भएको पालिकामा समेत एमालेले यो अन्तरमा जित्नु भनेको उसको प्रभाव बलियो छ भन्ने नै हो।
कतिपय पालिकामा एमाले एक्लैले कांग्रेस र माओवादीका उम्मेदवारलाई पराजित गरेको यही नतिजाले पुष्टि गर्छ। यसपटकको निर्वाचनमा कांग्रेस, माओवादी केन्द्र, एकीकृत समाजवादी, जसपा र राष्ट्रिय जनमोर्चाले चुनावी तालमेल गरेका छन्।
पाँच दलले गठबन्धन कसिलो बनाउन अझै कोशिश गर्दैछन्। शुक्रबार साँझसम्म गठबन्धनका दलहरूले आफ्ना उम्मेदवारलाई फिर्ता गराएर एउटै उम्मेदवार बनाउने कोशिश गर्दैछन्। त्यस्तै बागी उम्मेदवारको झन्झट पनि गठबन्धनका उम्मेदवारले बेहोर्ने नै छन्।
हामीले २०७४ सालको निर्वाचनमा एमालेले १ हजार भन्दा कम मतको अन्तरमा निर्वाचन जितेका १ सय ८५ पालिकाको लेखाजोखा गरेका छौं।
जसमध्ये १० भन्दा कम मत अन्तरमा एमालेले तीन पालिकामा विजय हासिल गरेको छ। ५० भन्दा कम मतले एमालेले १२ पालिका जितेको छ।। १२ मध्ये २ स्थानमा एमालेको निकटतम प्रतिद्वन्द्वी नेकपा माओवादी केन्द्र छ भने अरू ठाउँमा कांग्रेस छ।
२५ स्थानमा एमालेले १ सयभन्दा कम अन्तरले निर्वाचन जितेको छ। ५२ स्थानमा एमालेले २ सयभन्दा कम अन्तरले निर्वाचन जितेको छ। ७४ स्थानमा एमालेले ३ सयभन्दा कम अन्तरले निर्वाचन जितेको थियो। त्यस्तै १ सय १८ स्थानमा एमालेले ५ सयभन्दा कम अन्तरले निर्वाचन जितेको थियो।
मत बराबर भएकोदेखि १ हजारभन्दा कम अन्तरले जितेका १ सय ८५ स्थानमध्ये १६ स्थानमा एमालेले कांग्रेस र माओवादी गठबन्धनलाई हराएको छ। एक स्थानमा कांग्रेस र संघीय समाजवादी फोरमलाई हराएको छ भने १ स्थानमा कांग्रेस र राष्ट्रिय जनमोर्चाको गठबन्धनलाई हराएको छ।
हेर्नुस् सूची:
| २०७४ सालको मतान्तर |
| क्रसं | पालिका | दल | पाएको मत | गठबन्धन | पाएको मत | मतान्तर |
| १ | मालारानी गाउँपालिका | नेकपा एमाले | ६५०३ | माओवादी केन्द्र र नेपाली कांग्रेस | ५५०४ | ९९९ |
| २ | मादी गाउँपालिका | नेकपा एमाले | ४६३७ | नेपाली कांग्रेस | ३६५३ | ९८४ |
| ३ | खैरहनी नगरपालिका | नेकपा एमाले | १०७१७ | नेपाली कांग्रेस | ९७३३ | ९८४ |
| ४ | विदुर नगरपालिका | नेकपा एमाले | ९७१६ | नेपाली कांग्रेस | ८७४० | ९७६ |
| ५ | महालक्ष्मी नगरपालिका | नेकपा एमाले | ७७६४ | नेपाली कांग्रेस | ६८०५ | ९५९ |
| ६ | वासगढी नगरपालिका | नेकपा एमाले | ८७७५ | नेकपा माओवादी केन्द्र | ७८२२ | ९५३ |
| ७ | कृष्णपुर नगरपालिका | नेकपा एमाले | ६७०६ | नेपाली कांग्रेस | ५७६० | ९४६ |
| ८ | स्वर्गद्वारी नगरपालिका | नेकपा एमाले | ४५८९ | नेकपा माओवादी केन्द्र | ३६४५ | ९४४ |
| ९ | इन्द्रसरोवर गाउँपालका | नेकपा एमाले | ३२०४ | नेपाली कांग्रेस | २२७३ | ९३१ |
| १० | घोडाघडी नगरपालिका | नेकपा एमाले | ८१६४ | नेकपा माओवादी केन्द्र | ७२३७ | ९२७ |
| ११ | तारकेश्वर गाउँपालिका | नेकपा एमाले | ३६१४ | नेपाली कांग्रेस | २६८८ | ९२६ |
| १२ | घिरिङ गाउँपालिका | नेकपा एमाले | ३७३० | नेपाली कांग्रेस | २८१९ | ९११ |
| १३ | रुपा गाउँपालिका | नेकपा एमाले | ४२१२ | नेपाली कांग्रेस | ३३०५ | ९०७ |
| १४ | हरिवन नगरपालिका | नेकपा एमाले | ६०८१ | नेकपा माओवादी केन्द्र | ५१८४ | ८९७ |
| १५ | विर्तामोड नगरपालिका | नेकपा एमाले | ९११२ | नेपाली कांग्रेस | ८२१७ | ८९५ |
| १६ | महाङकाल गाउँपालिका | नेकपा एमाले | २२९३ | नेपाली कांग्रेस | १३९९ | ८९४ |
| १७ | सखुवानान्करकट्टी गाउपालिका | नेकपा एमाले | ३१५५ | संघीय समाजवादी फोरम | २२६७ | ८८८ |
| १८ | छतर गाउँपालका | नेकपा एमाले | ३४२६ | नेपाली कांग्रेस | २५५२ | ८७४ |
| १९ | रामधुनी गाउँपालिका | नेकपा एमाले | ९७०६ | नेपाली कांग्रेस | ८८५० | ८५६ |
| २० | रिव्दीकोट गाउँपालिका | नेकपा एमाले | ३६९३ | नेपाली कांग्रेस | २८४८ | ८४५ |
| २१ | गल्छी गाउँपालिका | नेकपा एमाले | ६०५१ | नेपाली कांग्रेस | ५२०७ | ८४४ |
| २२ | उमाकुण्ड गाउँपालिका | नेकपा एमाले | ३१७५ | नेपाली कांग्रेस | २३५४ | ८२१ |
| २३ | कंचन गाउँपालिका | नेकपा एमाले | ६७७७ | नेपाली कांग्रेस | ५९६७ | ८१० |
| २४ | गौरीशंकर गाउँपालिका | नेकपा एमाले | ४२४९ | माओवादी केन्द्र र नेपाली कांग्रेस | ३४४० | ८०९ |
| २५ | तामाकोशी गाउँपालिका | नेकपा एमाले | ४६१५ | नेपाली कांग्रेस र माओवादी केन्द्र | ३८२० | ७९५ |
| २६ | छेडगाँड गाउपालिका | नेकपा एमाले | ५१३६ | नेपाली कांग्रेस | ४३४७ | ७८९ |
| २७ | कालिका गाँउपालिका | नेकपा एमाले | २२७४ | नेकपा माओवादी केन्द्र | १५०२ | ७७२ |
| २८ | हिलहाङ गाउँपालिका | नेकपा एमाले | ४१६९ | नेपाली कांग्रेस | ३४०० | ७६९ |
| २९ | मकालु गाउँपालिका | नेकपा एमाले | १७१२ | नेपाली कांग्रेस | ९५५ | ७५७ |
| ३० | सिम्ता गाउपालिका | नेकपा एमाले | ५३५५ | नेपाली कांग्रेस | ४६०४ | ७५१ |
| ३१ | गौमुल गाउपालिका | नेकपा एमाले | २२४० | नेपाली कांग्रेस | १४९१ | ७४९ |
| ३२ | खडाचक्र नगरपालिका | नेकपा एमाले | २२०५ | नेकपा माओवादी केन्द्र | १४६१ | ७४४ |
| ३३ | किर्तिपुर नगरपालिका | नेकपा एमाले | ७३६० | नेपाली कांग्रेस | ६६१६ | ७४४ |
| ३४ | लिसंखुपाखर गाउँपालिका | नेकपा एमाले | २७६१ | नेपाली कांग्रेस | २०२६ | ७३५ |
| ३५ | स्वामीकार्तिक गाउपालिका | नेकपा एमाले | २४५९ | नेपाली कांग्रेस | १७५६ | ७०३ |
| ३६ | देउमाई नगरपालिका | नेकपा एमाले | ७३४७ | नेपाली कांग्रेस | ६६४५ | ७०२ |
| ३७ | थलारा गाउपालिका | नेकपा एमाले | २७७८ | नेपाली कांग्रेस | २०८१ | ६९७ |
| ३८ | जिराभवानी गाउँपालिका | नेकपा एमाले | २९५९ | नेपाली कांग्रेस | २२८७ | ६७२ |
| ३९ | रश्मा गाउँपालिका | नेकपा एमाले | ४७६७ | नेपाली कांग्रेस | ४०९८ | ६६९ |
| ४० | लम्कीचुहा नगरपालिका | नेकपा एमाले | ७१८८ | नेपाली कांग्रेस | ६५२१ | ६६७ |
| ४१ | कालीगण्डकी गाउँपालिका | नेकपा एमाले | ५०८८ | नेपाली कांग्रेस | ४४२२ | ६६६ |
| ४२ | सियारी गाउँपालिका | नेकपा एमाले | ६०५२ | नेपाली कांग्रेस | ५४०० | ६५२ |
| ४३ | जोरायल गाँउपालिका | नेकपा एमाले | ३८७४ | नेपाली कांग्रेस | ३२२८ | ६४६ |
| ४४ | आदर्श गाउपालिका | नेकपा एमाले | ३३३५ | नेपाली कांग्रेस | २७०६ | ६२९ |
| ४५ | रुपाकोट मजुवागढी नगरपालिका५३४३ | नेकपा एमाले | ५३४३ | नेपाली कांग्रेस | ४७१८ | ६२५ |
| ४६ | महावु गाँउपालिका | नेकपा एमाले | ३५२२ | नेपाली कांग्रेस | २९०० | ६२२ |
| ४७ | वेलगाडी गाउँपालिका | नेकपा एमाले | ३२१५ | नेपाली कांग्रेस | २५९६ | ६१९ |
| ४८ | मादी नगरपालिका | नेकपा एमाले | २७४० | नेपाली कांग्रेस | २१२२ | ६१८ |
| ४९ | हेटौडा महानगरपालिका | नेकपा एमाले | २३१२४ | नेपाली कांग्रेस र माओवादी केन्द्र | २२५०९ | ६१५ |
| ५० | चौकुने गाउँपालिका | नेकपा एमाले | ३२४२ | नेकपा माओवादी केन्द्र | २६३३ | ६०९ |
| ५१ | जन्तेढुङ्गा गाउपालिका | नेकपा एमाले | २१६२ | नेपाली कांग्रेस | १५६२ | ६०० |
| ५२ | मौवाखोला गाँउपालिका | नेकपा एमाले | १८१८ | नेपाली कांग्रेस | १२१९ | ५९९ |
| ५३ | भुम्लु गाउँपालिका | नेकपा एमाले | ३५४८ | नेपाली कांग्रेस | २९४९ | ५९९ |
| ५४ | मालिका गाउँपालिका | नेकपा एमाले | ४०४२ | नेपाली कांग्रेस | ३४४७ | ५९५ |
| ५५ | दुधकोशी गाउँपालिका | नेकपा एमाले | २१९१ | नेपाली कांग्रेस | १५९९ | ५९२ |
| ५६ | सुस्ता गाउँपालिका | नेकपा एमाले | ३५११ | नेपाली कांग्रेस | २९५२ | ५५९ |
| ५७ | बेलका नगरपालिका | नेकपा एमाले | ५८१८ | नेपाली कांग्रेस | ५२६६ | ५५२ |
| ५८ | पञ्चेश्वर गाँउपालिका | नेकपा एमाले | २४२४ | नेपाली कांग्रेस | १८७४ | ५५० |
| ५९ | कालीमाटी गाउँपालिका | नेकपा एमाले | २९१२ | नेपाली कांग्रेस | २३६३ | ५४९ |
| ६० | पुनर्वास नगरपालिका | नेकपा एमाले | ६०४० | नेकपा माओवादी केन्द्र | ५५१४ | ५२६ |
| ६१ | बडिगाड गाउँपालिका | नेकपा एमाले | ४८५१ | नेपाली कांग्रेस र माओवादी केन्द्र | ४३२९ | ५२२ |
| ६२ | नरहा गाउँपालिका | नेकपा एमाले | १६५६ | नेपाली कांग्रेस | ११३५ | ५२१ |
| ६३ | छवसपाथीभरा गाउपालिका | नेकपा एमाले | २२८९ | नेपाली कांग्रेस | १७७३ | ५१६ |
| ६४ | भैरवी गाउँपालिका | नेकपा एमाले | ३५८४ | नेपाली कांग्रेस | ३०७७ | ५०७ |
| ६५ | भेरी नगरपालिका | नेकपा एमाले | ४२९२ | नेपाली कांग्रेस | ३७८७ | ५०५ |
| ६६ | चौविसे गाउँपालिका | नेकपा एमाले | ३७८२ | नेपाली कांग्रेस | ३२७९ | ५०३ |
| ६७ | कागेश्वरी मनहरा नगरपालिका | नेकपा एमाले | ८९६९ | नेपाली कांग्रेस | ८४७८ | ४९१ |
| ६८ | चामुण्डा विन्द्रैनी नगरपालिका | नेकपा एमाले | २९५४ | नेपाली कांग्रेस | २४८० | ४७४ |
| ६९ | नौगाड गाउपालिका | नेकपा एमाले | २२८९ | नेपाली कांग्रेस | १८१६ | ४७३ |
| ७० | पाण्डवगुफा गाउपालिका | नेकपा एमाले | १४५१ | नेपाली कांग्रेस | ९८९ | ४६२ |
| ७१ | वित्थडचीर गाँउपालिका | नेकपा एमाले | २७११ | नेपाली कांग्रेस | २२५२ | ४५९ |
| ७२ | केदारस्यु गाउँपालिका | नेकपा एमाले | २८१५ | नेपाली कांग्रेस | २३६२ | ४५३ |
| ७३ | कावासोती नगरपालिका | नेकपा एमाले | १३०४१ | नेपाली कांग्रेस | १२५९४ | ४४७ |
| ७४ | खोटेहाङ गाउँपालिका | नेकपा एमाले | ३१२७ | नेकपा माओवादी केन्द्र | २६८२ | ४४५ |
| ७५ | महाशिला गाउँपालिका | नेकपा एमाले | २४५३ | नेपाली कांग्रेस | २०१० | ४४३ |
| ७६ | कैलाश गाउँपालिका | नेकपा एमाले | २८०२ | नेपाली कांग्रेस | २३५९ | ४४३ |
| ७७ | भगवतीमाई गाउँपालिका | नेकपा एमाले | २३२९ | नेपाली कांग्रेस | १८८९ | ४४० |
| ७८ | छत्रकोट गाउँपालिका | नेकपा एमाले | ५५५१ | नेपाली कांग्रेस र माओवादी केन्द्र | ५११४ | ४३७ |
| ७९ | खाँदवारी नगरपालिका | नेकपा एमाले | ५५६५ | नेपाली कांग्रेस | ५१३१ | ४३४ |
| ८० | नरहरीनाथ गाउँपालिका | नेकपा एमाले | २६६० | नेपाली कांग्रेस | २२२८ | ४३२ |
| ८१ | बलेफी गाउँपालिका | नेकपा एमाले | ३३६७ | नेकपा माओवादी केन्द्र | २९३८ | ४२९ |
| ८२ | साफेबगर नगरपालिका | नेकपा एमाले | ५८३८ | नेपाली कांग्रेस | ५४१२ | ४२६ |
| ८३ | टीकापुर नगरपालिका | नेकपा एमाले | ५९५९ | ससफो लो | ५५३४ | ४२५ |
| ८४ | डिलासैनी गाउपालिका | नेकपा एमाले | २६६३ | नेपाली कांग्रेस | २२५२ | ४११ |
| ८५ | फिक्कल गाउँपालिका | नेकपा एमाले | ३१२६ | नेपाली कांग्रेस | २७२७ | ३९९ |
| ८६ | गोकुलगंगा गाउँपालिका | नेकपा एमाले | ३५५१ | नेपाली कांग्रेस | ३१५२ | ३९९ |
| ८७ | कालिञ्चोक गाउँपालिका | नेकपा एमाले | ४६०१ | माओवादी केन्द्र र नेपाली कांग्रेस | ४२०२ | ३९९ |
| ८८ | जुगल गाउँपालिका | नेकपा एमाले | २७८६ | नेकपा माओवादी केन्द्र | २३८९ | ३९७ |
| ८९ | ढोचरचौर गाउपालिका | नेकपा एमाले | १९२५ | नेकपा माओवादी केन्द्र | १५३८ | ३८७ |
| ९० | भिमाद नगरपालिका | नेकपा एमाले | ६४६४ | नेपाली कांग्रेस | ६०८० | ३८४ |
| ९१ | खानीखोला गाउँपालिका | नेकपा एमाले | २०२३ | नेकपा माओवादी केन्द्र | १६४४ | ३७९ |
| ९२ | दुधौली नगरपालिका | नेकपा एमाले | ८५९८ | नेकपा माओवादी केन्द्र | ८२२३ | ३७५ |
| ९३ | गडवा नगरपालिका | नेकपा एमाले | ३६७७ | नेकपा माओवादी केन्द्र | ३३०४ | ३७३ |
| ९४ | ठाँटीकाध गाउँपालिका | नेकपा एमाले | १९२४ | नेपाली कांग्रेस | १५६२ | ३६२ |
| ९५ | वेदकोट नगरपालिका | नेकपा एमाले | ६४३४ | नेपाली कांग्रेस | ६०७४ | ३६० |
| ९६ | दोगडाकेदार गाउँपालिका | नेकपा एमाले | ३१४९ | नेकपा माओवादी केन्द्र | २७९१ | ३५८ |
| ९७ | शुद्धोदन गाउँपालिका | नेकपा एमाले | ५३७१ | नेपाली कांग्रेस | ५०१६ | ३५५ |
| ९८ | फलेवास नगरपालिका | नेकपा एमाले | ६१०३ | नेपाली कांग्रेस | ५७५५ | ३४८ |
| ९९ | चुलाचसली गाउँपालिका | नेकपा एमाले | ३४९३ | नेपाली कांग्रेस | ३१४९ | ३४४ |
| १०० | याङवरङ गाउँपालिका | नेकपा एमाले | २५१७ | नेपाली कांग्रेस र माओवादी केन्द्र | २१८१ | ३३६ |
| १०१ | कालिका नगरपालिका | नेकपा एमाले | ७४९२ | नेपाली कांग्रेस | ७१६४ | ३२८ |
| १०२ | गोसाइकुण्ड गाउँपालिका | नेकपा एमाले | १८२८ | नेपाली कांग्रेस | १५०५ | ३२३ |
| १०३ | धवलागिरी गाउँपालिका | नेकपा एमाले | २४९० | नेपाली कांग्रेस र माओवादी केन्द्र | २१६८ | ३२२ |
| १०४ | म्याङलुङ नगरपालका | नेकपा एमाले | ३८९० | नेपाली कांग्रेस | ३५६८ | ३२२ |
| १०५ | दंगीशरण गाउँपालिका | नेकपा एमाले | ३१६१ | नेपाली कांग्रेस | २८४१ | ३२० |
| १०६ | गजुरी गाउँपालिका | नेकपा एमाले | ४३२६ | माओवादी केन्द्र र नेपाली कांग्रेस | ४००६ | ३२० |
| १०७ | सायल गाउँपालिका | नेकपा एमाले | २६३१ | नेपाली कांग्रेस | २३१२ | ३१९ |
| १०८ | ववई नगरपालिका | नेकपा एमाले | ४२७१ | नेपाली कांग्रेस | ३९५९ | ३१२ |
| १०९ | मनहरी गाउँपालिका | नेकपा एमाले | ४६४९ | नेपाली कांग्रेस | ४३४० | ३०९ |
| ११० | मिथिला विहारी नगरपालिका | नेकपा एमाले | ३२४२ | नेपाली कांग्रेस | २९४१ | ३०१ |
| १११ | मिक्लाजुङ गाउँपालिका | नेकपा एमाले | ३७४८ | नेपाली कांग्रेस | ३४४९ | २९९ |
| ११२ | कोपिलासगढी गाउँपालिका | नेकपा एमाले | १८०६ | नेपाली कांग्रेस | १५११ | २९५ |
| ११३ | वेलकोटगढी नगरपालिका | नेकपा एमाले | ६६४३ | नेकपा माओवादी केन्द्र | ६३५१ | २९२ |
| ११४ | फुङलिङ गाउँपालिका | नेकपा एमाले | ३८९५ | नेपाली कांग्रेस र माओवादी केन्द्र | ३६०६ | २८९ |
| ११५ | लामीडाडा गाउपालिका | नेकपा एमाले | १९०९ | नेपाली कांग्रेस | १६२७ | २८२ |
| ११६ | मोहान्याल गाउँपालिका | नेकपा एमाले | २०३३ | नेपाली कांग्रेस | १७५३ | २८० |
| ११७ | खत्याङ गाउपालिका | नेकपा एमाले | २३०७ | नेकपा माओवादी केन्द्र | २०२८ | २७९ |
| ११८ | हरिपुर नगरपालिका | नेकपा एमाले | ३८५३ | नेपाली कांग्रेस | ३५७५ | २७८ |
| ११९ | दिपायल सिलगढी नगरपालिका | नेकपा एमाले | ४४२८ | नेपाली कांग्रेस | ४१५२ | २७६ |
| १२० | नारायण नगरपालिका | नेकपा एमाले | ४७२५ | नेपाली कांग्रेस | ४४५१ | २७४ |
| १२१ | माण्डवी गाउँपालिका | नेकपा एमाले | १७५३ | नेपाली कांग्रेस र राजमो | १४८५ | २६८ |
| १२२ | अपिहिमाल गाउँपालिका | नेकपा एमाले | १२४९ | नेकपा माओवादी केन्द्र | ९८८ | २६१ |
| १२३ | शिवालय गाँउपालिका | नेकपा एमाले | २०७३ | नेपाली कांग्रेस | १८३३ | २४० |
| १२४ | हतुवागढी गाउँपालिका | नेकपा एमाले | ३४९६ | कांग्रेस र माओवादी केन्द्र | ३२६० | २३६ |
| १२५ | कालिका गाउँपालिका | नेकपा एमाले | १४५८ | नेपाली कांग्रेस | १२२५ | २३३ |
| १२६ | नवदुर्गा गाउँपालिका | नेकपा एमाले | २९६९ | नेपाली कांग्रेस | २७४५ | २२४ |
| १२७ | गैडाकोट नगरपालिका | नेकपा एमाले | ११३०२ | नेपाली कांग्रेस | ११०७८ | २२४ |
| १२८ | फेदाप गाउँपालिका | नेकपा एमाले | ३४३९ | नेपाली कांग्रेस र माओवादी केन्द्र | ३२२० | २१९ |
| १२९ | बाह्रविसे नगरपालिका | नेकपा एमाले | ४९२९ | नेपाली कांग्रेस | ४७११ | २१८ |
| १३० | विहादी गाउँपालिका | नेकपा एमाले | २४२० | नेपाली कांग्रेस | २२१७ | २०३ |
| १३१ | त्रिपुरासुन्दरी गाउँपालिका | नेकपा एमाले | २९०९ | नेपाली कांग्रेस | २७०७ | २०२ |
| १३२ | वेलवारी नगरपालिका | नेकपा एमाले | १०७८४ | नेपाली कांग्रेस | १०५८३ | २०१ |
| १३३ | कोल्हवी नगरपालिका | नेकपा एमाले | ७४०१ | नेपाली कांग्रेस | ७२०५ | १९६ |
| १३४ | चुरे गाँउपालिका | नेकपा एमाले | २५६१ | नेपाली कांग्रेस | २३६६ | १९५ |
| १३५ | मेछयायम गाउँपालिका | नेकपा एमाले | १६८३ | नेपाली कांग्रेस | १४९६ | १८७ |
| १३६ | रेसुंगा नगरपालिका | नेकपा एमाले | ६४०५ | नेपाली कांग्रेस | ६२१८ | १८७ |
| १३७ | मष्टा गाउपालिका | नेकपा एमाले | २१४२ | नेपाली कांग्रेस | १९६१ | १८१ |
| १३८ | हरिनास गाउपालिका | नेकपा एमाले | ३००८ | नेपाली कांग्रेस | २८३२ | १७६ |
| १३९ | गंगाजमुना गाउँपालिका | नेकपा एमाले | ३३५६ | नेपाली कांग्रेस | ३१८८ | १६८ |
| १४० | नेस्याङ गाउँपालिका | नेकपा एमाले | ६२७ | नेपाली कांग्रेस | ४६१ | १६६ |
| १४१ | मकवानपुर गढी गाउँपालिका | नेकपा एमाले | ३८१४ | नेपाली कांग्रेस | ३६५३ | १६१ |
| १४२ | सोताङ गाउँपालिका | नेकपा एमाले | १००३ | नेपाली कांग्रेस | ८४३ | १६० |
| १४३ | ट्याम्केमैयुम गाउँपालिका | नेकपा एमाले | २७९० | कांग्रेस र ससफो | २६३२ | १५८ |
| १४४ | भीमफेदी गाउँपालिका | नेकपा एमाले | ३८४२ | माओवादी केन्द्र र नेपाली कांग्रेस | ३६९८ | १४४ |
| १४५ | मंगलशेन नगरपालिका | नेकपा एमाले | ४६९१ | नेपाली कांग्रेस र माओवादी केन्द्र | ४५५३ | १३८ |
| १४६ | दुर्गाथली गाउपालिका | नेकपा एमाले | १५९० | नेपाली कांग्रेस | १४५३ | १३७ |
| १४७ | नेत्रावती गाउपालिका | नेकपा एमाले | १६४६ | नेपाली कांग्रेस | १५१० | १३६ |
| १४८ | पौवा दुङमा गाउँपालिका | नेकपा एमाले | १९६३ | नेकपा माओवादी केन्द्र | १८३४ | १२९ |
| १४९ | अमरगढी नगरपालिका | नेकपा एमाले | ३७६८ | नेपाली कांग्रेस | ३६४० | १२८ |
| १५० | सिद्धिचरण नगरपालिका | नेकपा एमाले | ४७३९ | नेपाली कांग्रेस | ४६१३ | १२६ |
| १५१ | चैनपुर नगरपालिका | नेकपा एमाले | ५३१७ | नेपाली कांग्रेस | ५१९२ | १२५ |
| १५२ | रुन्टीगढी गाउँपालिका | नेकपा एमाले | ३४०२ | नेपाली कांग्रेस | ३२७९ | १२३ |
| १५३ | ठाकुरबाबा नगरपालिका | नेकपा एमाले | ७०७४ | नेकपा माओवादी केन्द्र | ६९५५ | ११९ |
| १५४ | रौतामाइ गाउँपालिका | नेकपा एमाले | २७४२ | नेकपा माओवादी केन्द्र | २६२४ | ११८ |
| १५५ | धनकुटा नगरपालिका | नेकपा एमाले | ४९३३ | नेपाली कांग्रेस | ४८१९ | ११४ |
| १५६ | ताप्ली गाउँपालिका | नेकपा एमाले | १२९१ | नेपाली कांग्रेस | ११८० | १११ |
| १५७ | तिनाउ गाउपालिका | नेकपा एमाले | २८१० | नेपाली कांग्रेस | २७०७ | १०३ |
| १५८ | आठराई गाउँपालिका | नेकपा एमाले | ३८४७ | नेपाली कांग्रेस र माओवादी केन्द्र | ३७४४ | १०३ |
| १५९ | लेकम गाउँपालिका | नेकपा एमाले | २२३५ | नेपाली कांग्रेस | २१३५ | १०० |
| १६० | वनगाड कुमिन्डे नगरपालिका | नेकपा एमाले | ५०७७ | नेपाली कांग्रेस | ४९८४ | ९३ |
| १६१ | मेलुङ गाउँपालिका | नेकपा एमाले | ४४७५ | नेपाली कांग्रेस र माओवादी केन्द्र | ४३८६ | ८९ |
| १६२ | लमही नगरपालिका | नेकपा एमाले | ५१५२ | नेपाली कांग्रेस | ५०६९ | ८३ |
| १६३ | कोहलपुर नगरपालिका | नेकपा एमाले | ९००७ | नेपाली कांग्रेस | ८९२४ | ८३ |
| १६४ | पटेर्वा सुगौली गाउँपालिका | नेकपा एमाले | २९५७ | नेपाली कांग्रेस | २८७५ | ८२ |
| १६५ | जय पृथ्वि नगरपालिका | नेकपा एमाले | ३०४० | नेपाली कांग्रेस | २९६० | ८० |
| १६६ | लिखु गाउँपालिका | नेकपा एमाले | ३०१० | नेपाली कांग्रेस | २९३५ | ७५ |
| १६७ | वरेश्वर गाउँपालिका | नेकपा एमाले | २३७७ | नेपाली कांग्रेस | २३०३ | ७४ |
| १६८ | जानकी गाउपालिका | नेकपा एमाले | ३०८३ | नेपाली कांग्रेस | ३००९ | ७४ |
| १६९ | त्रियुगा नगरपालिका | नेकपा एमाले | ११३६८ | नेपाली कांग्रेस | ११२९५ | ७३ |
| १७० | देवघाट गाउँपालिका | नेकपा एमाले | २८७९ | नेपाली कांग्रेस | २८१४ | ६५ |
| १७१ | तालकोट गाउँपालिका | नेकपा एमाले | २०६४ | नेपाली कांग्रेस | २००० | ६४ |
| १७२ | गौरीगंगा नगरपालिका | नेकपा एमाले | ५८९१ | नेकपा माओवादी केन्द्र | ५८३० | ६१ |
| १७३ | सभापोखरी गाउँपालिका | नेकपा एमाले | २०६० | नेपाली कांग्रेस | २००३ | ५७ |
| १७४ | पुर्विचौकी गाँउपालिका | नेकपा एमाले | ३६१५ | नेपाली कांग्रेस | ३५६८ | ४७ |
| १७५ | आठवीस नगरपालिका | नेकपा एमाले | ३९२७ | नेपाली कांग्रेस | ३८८० | ४७ |
| १७६ | नेचासल्यान गाउँपालिका | नेकपा एमाले | १६९८ | नेपाली कांग्रेस | १६५६ | ४२ |
| १७७ | चामे गाउँपालिका | नेकपा एमाले | २१४ | नेपाली कांग्रेस | १७३ | ४१ |
| १७८ | मुस्ताङ गाउँपालिका | नेकपा एमाले | ४५४ | नेपाली कांग्रेस | ४१७ | ३७ |
| १७९ | मोलुङ गाउँपालिका | नेकपा एमाले | ३०१२ | नेपाली कांग्रेस | २९८४ | २८ |
| १८० | मिक्वाखोला गाउँपालिका | नेकपा एमाले | १४८४ | नेपाली कांग्रेस | १४५९ | २५ |
| १८१ | तिला गाँउपालिका | नेकपा एमाले | १७६८ | नेकपा माओवादी केन्द्र | १७४४ | २४ |
| १८२ | खुम्वु पासाङल्युम गाउपालिका | नेकपा एमाले | १४२४ | नेपाली कांग्रेस | १४०२ | २२ |
| १८३ | रमप्रसाद राई गाउपालिका | नेकपा एमाले | २३५६ | नेकपा माओवादी केन्द्र | २३४८ | ८ |
| १८४ | चौरपाटी गाउँपालिका | नेकपा एमाले | ३१३८ | नेपाली कांग्रेस | ३१३७ | १ |
| १८५ | कमल गाउँपालिका | नेकपा एमाले | ८२७५ | नेपाली कांग्रेस | ८२७५ | ० |
