दैलेखको भैरवी गाउँपालिकाको वडा नम्बर ४ मा स्वतन्त्र उम्मेदवारले अध्यक्ष जितेका छन्।
स्वतन्त्रबाट उम्मेदवारी दिएका चक्रप्रसाद शर्माले वडाध्यक्षमा १४२ मत बढी ल्याएर जितेका हुन्।
शर्माले ५८० मत ल्याएका छन् भने उनका निकटतम प्रतिद्वन्द्वी नेपाली कांग्रेसका कमलबहादुर थापाले ४३८ जना मत ल्याएका छन्।
वडा नम्बर ४ को अरू चारै जना सदस्यमा एमालेबाट निर्वाचित भएका छन्।
खुला सदस्यमा एमालेका सहदेव जैसी र ईश्वरीकुमारी योगी, महिला सदस्यमा एमालेका विष्नाकुमारी थापा र दलित महिला सदस्यमा एमालेकै जयन्ती नेपाली निर्वाचित भएका छन्।
