दैलेखको डुंगेश्वर गाउँपालिकामा नेकपा एमालेका सुन्दरकुमार केसी अध्यक्षमा निर्वाचित भएका छन्।
अन्तिम मत परिणाम अनुसार केसी ३४०६ मतसहित अध्यक्षमा निर्वाचित भएका हुन्।
उनका प्रतिद्वन्द्वी नेपाली कांग्रेसका नगेन्द्रबहादुर मल्लले ३३३६ मत ल्याएका छन्। मल्ल यसअघि पनि अध्यक्ष थिए। अहिले उनले उम्मेदवारी दोहोर्याएका थिए।
डुंगेश्वर गाउँपालिकाको उपाध्यक्षमा पनि नेकपा एमालेकै कलावती न्यौपाने निर्वाचित भएकी छन्।
उनले ३ हजार ५७७ मत ल्याएकी छन्। कांग्रेसबाट उपाध्यक्ष उम्मेदवार एलिजाकुमारी थापाले ३ हजार १५२ मत ल्याएकी छन्।
डुंगेश्वरका ६ वटा वडामध्ये एमालेले ४, माओवादी र कांग्रेसले १/१ वडा जितेका छन्।
