कैलालीको चुरे गाउँपालिकामा अध्यक्षमा एमालेका चक्र बहादुर बोगटी विजयी भएका छन्।
गठबन्धनबाट एकीकृत समाजवादीका उम्मेदवारलाई पराजित गर्दै उनी विजयी भएका हुन्। बोगटीले ३ हजार ३०५ मत पाएका छन्।
उनका निकटतम् प्रतिद्वन्द्वी समाजवादीका लोकबहादुर सारुमगरले ३ हजार २८१ मत ल्याएका छन्।
यस्तै उपाध्यक्षमा नेपाली कांग्रेसकी धाना थापा निर्वाचित भएकी छन्।
उनले ३ हजार ४४९ मत ल्याएर विजयी हुँदा प्रतिद्वन्द्वी एमालेकी दीपादेवी साउँदले ३ हजार १२१ मत प्राप्त गरिन्।
