रुकुम पश्चिमको सानीभेरी गाउँपालिकाको अध्यक्षमा नेकपा माओवादी केन्द्रका विर्खबहादुर विष्ट निर्वाचित भएका छन्।
विष्टले ६ हजार १९ मत ल्याएर अध्यक्षमा निर्वाचित भएका हुन्।
नेपाली कांग्रेसबाट अध्यक्षका उम्मेदवार गोरख चन्दले ४ हजार ३२० मत ल्याएका छन्।
उपाध्यक्षमा नेकपा माओवादी केन्द्रकी कमला रोका निर्वाचित भएकी छन्।
उनले ५ हजार ९५८ मत ल्याएकी छन्। एमालेबाट उपाध्यक्षका उम्मेदवार प्रकाश खड्काले ३४२० मत ल्याएका छन्।
सानीभेरी गाउँपालिकामा एमाले र कांग्रेसबीच गठबन्धन थियो।
०७४ मा पनि यहाँ माओवादीले नै जितेको थियो।
