पाल्पाको माथागढी गाउँपालिकाको अध्यक्षमा नेकपा एमालेका यमबहादुर चिदी निर्वाचित भएका छन्। उनले ६ हजार १०९ मत ल्याएर निर्वाचित भएका हुन्।
उनका निकटतम् प्रतिद्वन्दी नेपाली कांग्रेसका सन्तोषकुमार थापाले ५ हजार ५ सय ५४ मत ल्याए।
यस्तै उपाध्यक्षमा पनि नेकपा एमालेका विष्णुमाया लुङचे निर्वाचित भएका छन्।
लुङचेले ५ हजार ८८२ मत ल्याएर निर्वाचित भएका हुन्। उनका निकटतम् प्रतिद्वन्दी नेपाली कांग्रेसकी विजयाकुमारी भट्टराईले ५ हजार ६४४ मत ल्याएकी छन्।
