हुम्लाको नाम्खा गाउँपालिकाको अध्यक्षमा नेकपा माओवादी केन्द्रका उम्मेदवार प्रेमबहादुर लामा विजयी भएका छन्।
लामाले १ हजार ४६६ मत ल्याएका छन्। उनका प्रतिद्वन्द्वी स्वतन्त्र उम्मेदवार सूर्यबहादुर लामाले ६६२ मत ल्याएका छन्।
उपाध्यक्षमा नेपाली कांग्रेसका दक्दिर लामा निर्वाचित भएका छन्। उनले ७६७ मत ल्याएका छन्।
स्वतन्त्र उम्मेदवार लाक्पा नर्बु लामाले ५६५ र एमालेका नुरजङ तामाङले ४८२ मत ल्याएका छन्।
नाम्खामा कांग्रेस र माओवादीबीच गठबन्धन भएको थियो।
०७४ मा माओवादीका विष्णुबहादुर लामा अध्यक्ष र उपाध्यक्षमा स्वतन्त्रबाट पेमा तामाङ निर्वाचित भएका थिए।
