ललितपुरको कोन्ज्योसोम गाउँपालिकामा नेकपा एमालेका उम्मेदवार विजयी भएका छन्।
एमालेका उम्मेदवार कृष्णमान लामाले सत्ता गठबन्धनका उम्मेदवारलाई पराजित गरी निर्वाचित भएका हुन्।
उनले नेपाल कम्युनिष्ट पार्टी (माओवादी केन्द्र)का गोपिलाल सिंतानलाई पराजित गरेका हुन्। सिंतान २०७४ सालमा अध्यक्ष निर्वाचित भएका थिए।
लामाले ३१०४ मत पाएर विजयी भएका हुन्। सिंतानले २५०९ मत पाएका छन्।
यस्तै उपाध्यक्षमा भने गठबन्धनको तर्फबाट नेपाली कांग्रेसका राजनप्रसाद घिमिरेले जितेका छन्।
उनले एमालेकी रनिता तामाङलाई हराएका हुन्। घिमिरेले ३२२७ मत पाएका छन् भने एमाले २०४८ मत पाएकी छन्।
