कालिकोटको खाँडाचक्र नगरपालिकाको मेयरमा स्वतन्त्र उम्मेदवार कमलबहादुर शाही निर्वाचित भएका छन्।
उनी हाँस चिन्हमा चुनाव लडेका थिए। उनले २९१९ मतसहित मेयर जितेका हुन्।
शाहीले नेकपा एमालेका उम्मेदवार जसीप्रसाद पाण्डेलाई हराए। पाण्डेले २००९ मत ल्याएका थिए।
यस्तै उपमेयरमा नेकपा माओवादी केन्द्रका गणेशबहादुर शाही निर्वाचित भए। उनले २९२६ मत ल्याए।
मेयर जितेका कमलबहादुर नेकपा एकीकृत समाजवादीका कालिकोट जिल्ला उपाध्यक्ष हुन्।
नेकपा माओवादी केन्द्र र नेकपा एकीकृत समाजवादीबीच चुनावी तालमेल भएपछि उनले स्वतन्त्र उम्मेदवारी दिएका थिए।
*यसअघि तस्बिर अन्यथा परेकोले सच्याइएको छ।
