हेटौंडा उपमहानगरपालिकामा नेकपा एकीकृत समाजवादीले ३ सय ७० मतको अग्रता लिएको छ।
हेटौंडा उपमहानगरपालिकामा सत्ता गठबन्धनको तर्फबाट नेकपा (एकीकृत समाजवादी) की मेयर उम्मेदवार मिनाकुमारी लामाले ५ हजार २ सय ६२ मत ल्याएकी छन्।
उनलाई पच्छाइरहेका राप्रपाका दिपक सिंहले ४ हजार ८ सय ९२ मत पाएका छन्।
एमालेका अनन्त पौडेलले ४ हजार ४ सय ९७ मत ल्याएका छन्।
उपमेयरमा नेपाली कांग्रेसका राजेश बानियाँले फराकिलो अग्रता लिएका छन्।
उपमेयरमा नेपाली कांग्रेसका राजेश बानियाँले ७ हजार ९७ मत ल्याएका छन्। नेकपा एमालेकी सुमित्रा पौडेलले ५ हजार ६८ मत ल्याएकी छन्। राप्रपाकी ईन्दिरा न्यौपानले १ हजार १ सय ५६ मत ल्याएकी छन्।
१६ हजार ८ सय २१ मतको गणना भइसकेको छ। मतगणना जारी छ।
