ताप्लेजुङको सिदिङ्वा गाउँपालिकाको अध्यक्षमा नेकपा एमालेका उम्मेदवार मानबहादुर राई निर्वाचित भएका छन्।
उनले ३०८५ मत ल्याएका छन्।
यहाँ नेपाली कांग्रेसका उम्मेदवार प्रदीप राई पराजित भए। उनले २३८२ मत ल्याएका थिए।
उपाध्यक्षमा भने नेकपा माओवादी केन्द्रकी कृष्णकुमारी कडरिया निर्वाचित भइन्। उनले २३७६ मत ल्याएर जितिन्।
उपाध्यक्षमा स्वतन्त्र उम्मेदवार जीवनकुमार ताम्लिङ पराजित भए। उनी एक मत अन्तरले पराजित भएका हुन्। उनले २३७५ मत ल्याएका थिए।
