धनुषाको जनकनन्दिनी गाउँपालिका अध्यक्षमा जनता समाजवादी पार्टी (जसपा) का दिपीन देव यादव निर्वाचित भएका छन्।
उनले ३ हजार १ सय ५७ मत प्राप्त गरी विजयी भएका हुन्।
उनका निकटतम प्रतिद्वन्द्वी नेपाली कांग्रेसका सुदेश कुमार चौधरीले २ हजार ७ सय ७८ मत ल्याएर पराजित भए।
उपाध्यक्षमा भने कांग्रेसकी कमला सहगल निर्वाचित भएकी छन्। उनले २ हजार ९ सय ९८ मत प्राप्त गरि विजयी भइन्।
उनका निकटतम प्रतिद्वन्द्वी जसपाकी गीता सुडीले २ हजार ८ सय ४० मत ल्याएर पराजित भइन्।
२०७४ सालको निर्वाचनमा भने अध्यक्ष र उपाध्यक्ष दुबैमा यहाँबाट कांग्रेसले जितेको थियो।
