पोखरा महानगरपालिकाको मेयरमा सत्ता गठबन्धनबाट नेकपा (एकीकृत समाजवादी) का उम्मेदवार धनराज आचार्यले अग्रता फराकिलो बनाउँदै लगेका छन्।
२१९६० मत गणना हुँदा उनले ९१६५ मत ल्याएका छन्। त्यस्तै, उनलाई पछ्याइरहेका नेकपा एमालेका उम्मेदवार कृष्ण थापाले ७७७४ मत ल्याएका छन्।
मेयरमा राप्रपाबाट शंकर खरालले १०६१ मत पाउँदा स्वतन्त्र उठेका गनेस पौडेलले ५४३ मत प्राप्त गरेका छन्।
त्यस्तै, उपप्रमुखमा गठबन्धनबाट नेपाली कांग्रेसका उम्मेदवार कोपिला रानाभाटले ९४६१ मतसहित अग्रता कायम गरेकी छन्।
एमालेका मञ्जुदेवी गुरूङले ८८३१ मत सहित पछ्याइरहेकी छन्।
