लमजुङको बेसीशहर नगरपालिकाको मेयरमा नेकपा एमालेका गुमानसिंह अर्याल विजयी भएका छन्।
नेपाली कांग्रेसका श्रीकान्त घिमिरेलाई हराउँदै गुमानले मेयर पदमा जित हात पारेका हुन्।
गुमानले ९४७९ मत ल्याएर जित हात पारे भने निकटतम प्रतिद्वन्द्वी श्रीकान्तले ७४७१ मत ल्याए।
बेसीशहरमा कांग्रेसले माओवादीसँग गठबन्धन गरेको थियो।
उपमेयरमा पनि नेकपा एमालेकी पदमा गुरुङ विजयी भएकी छिन्। उनले माओवादी केन्द्रका हरिजंग तमाङलाई पराजित गरिन्।
पदमाले ८७१८ मत प्राप्त गरिन् भने माओवादीका हरिजंग तमाङले ४६९९ मत प्राप्त गरे।
२०७४ को स्थानीय तह निर्वाचनमा पनि गुमानसिंह अर्यालले मेयर पदमा जित हात पारेका थिए।
