सिन्धुपाल्चोकको ईन्द्रावती गाउँपालिकाको अध्यक्षमा नेकपा एमालेका झम्कनाथ नेपाल विजयी भएका छन्।
अघिल्लो निर्वाचनमा कांग्रेसका वंशलाल तामाङसँग पराजित भएका नेपालले यसपटक भने जित हात पारे।
नेपालले ७१२७ मत प्राप्त गरे। निकटतम प्रतिद्वन्द्वी कांग्रेसका उम्मेदवार विकास लामा झन्डै एक हजार मतले पछि परे। लामाले ६१५२ मत प्राप्त गरे।
माओवादी केन्द्रका ठूलोबाबु श्रेष्ठले ४१३४ मत प्राप्त गरे।
उपाध्यक्षमा पनि एमालेकै शोभना तामाङ निर्वाचित भइन्। उनले ६५१३ मत प्राप्त गरिन्।
कांग्रेसकी दयाकुमारी मिश्र ६४६३ मत प्राप्त गर्दै दोस्रो भइन्।
१२ वडा रहेको यो पालिकामा १, ३, ५, ६ र ९ गरी पाँच वडा अध्यक्ष एमालेले जित्यो।
कांग्रेसले २, ४, ८, १० र ११ गरी पाँचै वडा अध्यक्षमा जित हात पार्दा माओवादी केन्द्र ७ र १२ मा वडा अध्यक्षमा विजयी भयो।
